سلفتي بتزوج زوجي + الجدي~ي~د في المشكلة ساعدوني << مشكلة إحدى الأخوات في المنتدى

متابعة النقاش، صفحة 22

شاركي في النقاش

سجلي الدخول لإضافة تعليق.

التعليقات

134
  1. @zhor_alhnaaa

    الله يرد كيدها بنحرها يارب وانتي خليك قويه الضعافه ماراح تفيدك خشي بعينها ووقفيها عند حدها وشوفي حقيقة الموضوع اربع مرات تخطب له مستحيل تدخل بيت الناس وتخطب الابموافقة من زوجك والله اعلم وسالفة ان اخوه يتصل ويتكلم معه في الموضوع في وجودك اخاف انه تمهيد لك عشان تتقبلي الموضوع اذا صادق مايبغى يتزوج يروح معك بيت اخوه ويقله بالحرف الواحد انا ماطلبتكم تخطبولي وأم فلان مابدلها ومايفرقني عنها احد ولاعاد تفتحوا الموضوع هاذا مره ثانيه ويقول لسلفتك مدامك شاده حيلك وتخطبين في بنات الناس زوجك أولى مني لازم لازم ردت فعله المره هاذي تكون قدامك وياليت تكون في وجود اهله كلهم خلي سالفة حلم وماحلم ماتمشي حتى على العاقل والله ينصرك عليهم
  2. ليش هالحلم التعيس للي افزع
    سلفتك من ابليس النحيس :
    هو إلهام أو وحي من الله ..
    يا ريت ، كمان شافت رقعة
    وفيها صورة العروسة
    المنحوسة ....
    هذي مريضة للاسف ،
    وكمان المرضى للي مطاوعينها
    و قاعدين ينفدون ف مخططاتها
    صدقا ، شر البلية ما يضحك...
    باختصار....
    الحل بيد زوجك ،
    هو نقطة التغيير ،
    ما يكفي انو يحضنك او يوعدك
    ويقسم لك انو ما يتزوج عليك ..
    ما حدا يضمن تقلب القلوب
    الا الذي بيده القلوب سبحانه وتعالى ...
    اخته ذي ، يلزملها قاصمة الظهر
    وان يضرب الحديد
    وهو ساخن حتى ينكسر .
    والكسر هو المعاملة بالمثل ..
    ولكن بدهاء و حكمة
    فالحديد ليس دوما يقطع بالحديد
    و انما بالماء العذب والشفاف
    بشرط ان تكون قوته قوة اعصار..


    انصحك ما تهاوشيها ولا تحطي
    نفسك الند للند معاها، مبين انو وجهها
    مغسول ، وما عندها خوف ولا حياء..
    وناقصة فهم وحكمة ان الله
    هو المهيمن والمدبر لشؤون العباد ...


    وافكار البنات حلوة ...
    خذي وجربي منها، ونوعي


    والله يفرج همك ، ويصرف عنك
    كل كرب و بلاء
  3. @aal_snk_aashr

    السلام عليكم


    كثرة الشك والخوف بتحطك في مشاكل انتي في غنى عنها.... زوجك يبيك واثقة منه. وتأكدي الشي اللي تبينه هو اللي بيصير بس خليك قوية في داخلك وابعدي الشك كيف تقولين انك واثقة بالله وانتي كلك خوف وشك بزوجك وقلق نفسي.


    خلي زوجك يسافر ويكمل رسالته وانتي استودعيه الله وخليك واثقه بالله ان الله مايخييب ظن عبد فيه وعيشي حياتك بهدوء وادعي اللهم إن يرد كيدهم في نحورهم..... وتأكدي أن الخوف والتفكير السلبي يجلب كل مخاوفك وتصير حقيقه بعكس التفاوؤل بالخير
  4. @rsyl_46

    المشكلة ياقلبي في زوجك مو فيها .. ولا فيه واحد عاقل يخلي زوجة أخوه تخطط له حياته ؟!!
    حتى أمه وأبوه مالهم حق يقولون له تزوج على زوجتك .. وإذا قالوا له تحسبين انه من البر انه يطيعهم في هذا الشي ؟!
    حياة اﻹنسان الخاصة ملكه هو وحده وماﻷحد الحق يتدخل فيها بأي شكل ..
    وزوجك هذا اللي بيصير دكتور المفروض إنه شخصيته أقوى من كذا ويحط حد ﻷخوه ولمرة أخوه ...
    لكن الظاهر إن زوجك عاجبه الموضوع لو ماهو عاجبه كان تصرف بطريقة ثانيه وماكان سمح لأحد يتدخل في حياته ..
    لو لاقدر الله تزوج زوجك من حقك تطالبينه بالفلوس اللي دفعتيها له وانت الله يعينك تحلي بالصبر وربي عيالك وعيشي لنفسك ولهم ...
    أرجع واقول السر عند زوجك والموضوع في يده ....

تابعي تجارب أخرى من هذا القسم.