الله يعافيكم طفلي وتغذيته الله ينور لكم

اربع شهور توه صغير بسس حليب وعطيه ماي بين الرضاعات وشاي اعششاب الاكل لمن يدش الشهر السادس لاتغثينه لاحق على الاكل حرام من هالعمر وياكل حليب وبسس بنتي توها تدش ثمان شهور اعطيها خفيف عشان لاتنغث بكل شهر ازيد شششوي شششوي موفقه يالغلا

الله ينور لك اول طفل وم اعرف عشان كذا سألت ❤
طيب وش ابدأ فيه؟!

سوري بس والله م اعرف 💔💔💔💔💔ولا عندي احد يعلمني فقلت حوائيات م يقصرونن

انا مااعطي عيالي الا على ست شهور
عندك انواع من السيريلاك وبالتدريج ابدأي بالقمح مثلا واعطي كم ملعقه يعني تذويقه لحد مايتعود بعدين تجين للخضار قبل الفواكه لأنه لو تذوق حلى الفواكه مابيتقبل الخضار المهم للخضار ابدأي سويله كل نوع لحاله بعد ماتسلقينه فقط بمويه بدون اضافات وبعدها بالخلاط وعشان تتأكدي ماعنده حساسيه من نوع معين واذا شفتي مشي معه ابدأي بنوع ثاني من الخضار وبعدين نفس الشئ مع الفواكه وطبعا مع الاكل لازم ترتبين الوقت يعني ماتعطينه اكل وبعدها الرضاعه كذا يتعبه

عندي بنت اول مولود لي الحين باقي اسبوع ان شاءالله وتكمل 7 شهور
مابديت ااكلها الا لما اتمت 6 شهور
وكان اهلي كلهم ينصحون ابدا من قبل ورافضه
النتيجه بنتي مو متقبله الاكل حاولت لما تعبت
نصيحه ابدي اعطيه من قبل ال6 شهور
لو تذويق بس خليه يتقبل الاكل
وبالاخير استخيري
لو بيجيني طفل ثاني مستحيل اغلط نفس الغلط بوكله بدري 😢