تجمع التباشر الحادي عشر ل مواليد (يناير - فبراير)

انا افكر ف موعدي الاحد

امييين يارب ❤️❤️

اولا الحمدلله الحمدلله الحمدلله
والله يبارك فيكم جميعا
نجي للأكشن
طبعا زي منتو عارفين رحت أمس مراجعتي الاعتياديه
المهم بعد الكشف قالت 3 سم ماشاءالله وعنق الرحم لين
المهم كتبتلي تنويم نفس اليوم في اليل اتنوم والصباح يبدون معي بتحاميل. .
والله لآخر لحظه وانا متردده ماابغى اروح جاني خوف قلت باقي ماخلصت شهري ليش اروح امرمط نفسي ومعروفه المستشفى ذي بسمعتها مايصبرون ع الوحده على طول عمليه
المهم بعد ماشجعتوني توكلت على الله .. قبل ماروح دهنت بزيت زيتون وحبة البركه وتقرفصت واطلع وانزل درج لين تعبت وأخذت دش دافي ورحت
في الليل ماسو شي من جات 6 حكم إلا جاتني الدكتوره المناوبه وقاست وقالت 3 سم وحطت التحميله الاولى😢 وقالت إذ ماستجاب الرحم بعد 5 ساعات نعطيك الثانيه تفائلة وقلت أن شاء الله يفتح وصراحة كانت آلام جدا محتمله وتخطيط مو بين طلق.. وجات 11😢
وجات دكتوره ثانيه 😢 يدها تألم في الكشف مره وبرضو قالت 3 وحطت الثانيه .. بعد الثانيه بدأ الجد الجد هنا قلت يلا هانت اول ساعتين ألم بس ماسكه نفسي وتحملت الساعتين الثانيه خلاص ألم فضضضضيع تذكرت مدام الفهد وهي تحكينا.. وقالولي قومي امشي وأقوم شوي شوي وكل ماجتني اصنم ولا اهبد بالجدار😂 بس تمسكني 30 ثانيه وتروح وكل 3 دقايق كذا لين عدت 5 ساعات وجات 4 العصر قلت ذحين جا موعد التحميله الثالثه والأخيرة إذ مافتح اكيد على طول قيصري ..وادعي ودعي ربي والحمدلله وربي يسخر لي الدكتوره الأمريكيه وتجي وتكشف لي وتقول 4 طبعا ذا الألم كله واحد زاد ..قمت قلت متى تحطون لي إبرة الظهر قامت قالت انتي طالبتها قلت ايوه من دخلت من الليل وانا كل نيرس أو دكتوره اقلهم يقولولي لمن توصلي 5سم .. قالت نو يلا خلاص إبرة ظهر وقومي كشك ولاده ..والسودانيه الله يهديها كانت بتعطيني تحميله ثالثه بس الحمدلله ربي جابها لي الدكتوره ذي ..
وجات السودانيه وهم موديني للكشك قالت مصره إبرة ظهر قلت ايوه قالت خلاص اول ماتخذيها بفتحلك موية الجنين ونحط مغذي الطلق الصناعي الجدي 😢
انا اخذت الابره على بنتي يارب لك الحمد كانت تجربه حلوه ولا حسيت بطلق ..أما ذي الابره من حطوها وانا حاسه برجولي وبكل شي بس الي ماعاد احسه إلا هو المنطقه ذيك تبنجت صارت تدخل يدها ولا عاد احس بيدها بس ألم بطني من تحت ماتبنج مدري ليه ألم ولي اول مره بصوتي كله يارب يارب كل ماجات طلقه اقولهم ليش احس..ليش ماتبنج بطني نادو الدكتور حق التخدير الي حطها لي.. تقول لا انتظري بعد نص ساعه إذ الأم مستمر نناديه لك ..يالله عدت ساعه وألم ألم شي فضيع ماتبنج بطني حتى الدكتوره مستغربه
المهم الحمدلله إلا تقيس بعد الساعه قالت ماشاء الله خلاص ولاده حمدت ربي توقعت بتقول 5 أو 6 ..يارب لك الحمد 4 تقريبا دفعات وطلع النونو الحمدالله


ونصيحتي الي بتاخذ طلق صناعي بابرة الظهر لااااازم

1. وانا صراحه اشك بدكتور ماسوها زين لي عشان كذا الجزء التحتاني من البطن ماتبنج .. بس الحمدلله عدت على خير وسلام ..

الزنجبيل اهرب منه من اول ماحملت وماراح اقدر اخذه الحين خايفة افك البقشه قبل موعد عمليتي 😁😁
امس شربت مع القهوة نخوه
فاد معي شوي النعناع بس شكلي باشتري حبوب او اللي نزلتيه لعل وعسى ارتاح
الله يسعدك مشكورة وماقصرتي ❤️❤️

تسلمين ياعمري .. الله يسمع منك 🙏🏼🙏🏼❤️