🍼🐣التجمع العاشر لأمهات مواليد مايـ..5..ـو & يـونيـ..6..ـو🐣🍼2016

ان شاءالله الله يسمع منك 😂

اشراقه
ويسعدك يارب - ان شاءالله تحصلي الفيتامين ❤
وبخصوص قصص السحر بالفعل تتعب النفسيه 😪
ومن ناحية كريم ديور وماسك كلارنكس
بما انهاعندك ف خلاص استخدميها 👍👍

ميرال
يعطيكي العافيه يارب ماقصرتي بالقائمه 💋
والله يشفيكي من الاكزيما ياقلبي
انا ولدي اصيل عندو اكزيما وبشرتو تصير جافه مرا
واذا اهملتها تكبر ويقعد يحكها بس انا مداومه
عالترطيب والحمدلله في تحسن ملحوظ مع الترطيب
و زيت جوز الهند كويس وطبيعي ان شاء الله ماتضرك
اهم شي خليكي عالترطيب لان مشكلة الاكزيما
انك ماتخلي البشره جااافه ابدآ كل يوم رطبيها

روز
الطريقه انك تتحسسي مكان ارتفاع الرحم
يعني لما تنامي على بطنك شوفي نفخةالرحم الى فين تمدد
وحطي المتر من عندها دا الي فهمتو من ساندرا
ومن النت كمان قرات شي زي كدا وممكن ماتكون دقيقه
بس النتيجه تقريبيه نوعآ ما ،،

ام وسام
الله يشفي ولدك اهم شي الترطيب عن تجربه
في كريم مرا كويس وترطيبو جميل وطبي
زمان الدكتوره صرفتها لولدي اسمها لايبوبيس
انا كنت مستمره عليها وبعد ماخلصت مااشتريت
ف لما انسى واطنش اتفاجاء ان الاكزيما حمرت
بجلد ولدي ف ارجع احط عليها مراهم طبيه
وبعدين صرت ادهن جسمو بكريم كيو في
وحاليا ادهن جسمو بزيت جوز الهند الطبيعي
اهم شي الترطيب عشان مايحك لان اذا الاكزيما
كانت حمرا ف لازم مرهم علاجي طبي وشوفي المرهم
المناسب الي تصرفو الدكتوره
بخصوص اليدين واسمرار المفاصل بصراحه ماجربت خلطه معينه
لهالشي او قرات عنو لان اعتمادي الكلي باليدين بالترطيب
لان بالشتاء تصير خشنه بس الحمدلله مع الترطيب اتحسنت
لكن ان شاء الله البنات يفيدوكي بحاجه مجربه
وكويس انك بداتي عنايه ماشاء الله 👍
وبخصوص تساقط الشعر مع الحمل يزيد 😪
وانا كمان مرا الوضع زايد معايا بالحمل لكن قبل الحمل
التساقط كان جدا بالمعقول اما دحين لا 💔
وان شاء الله بعد الولاده تبدائي تشدي بالجسم
وننتظر تجميعك الشخصي للاغراض 😍