🍼🐣التجمع العاشر لأمهات مواليد مايـ..5..ـو & يـونيـ..6..ـو🐣🍼2016

منتظرين ع احر من جمر 💖

الله يسلمك ياقلبي 😘

ام رهف & فوق الغيوم ،، ربي يكون ف العون وكويس انه مهتمات ماشاء الله عليكم ، انا اكثر شيء يتعبني انه دحين جيت عند اهلي كم شهر وبنتي صارت مدلعه مررررررررررره لانه امي الله يهديها تخربها ،


ف نظام اكلها انخرب ،بنتي عندها قابليه للسكر بعد ماسويتلها تحاليل وكدا وقالتلي الدكتوره ممنوع الحلويات لها والتمر شويا بس ماتكثر منه ف كنت مرتبه اكلها ف بيتي ماعاد المدرسه تشتري حلويات الله يهديها ف صرت بس احطلها ريال عشان ماتحس بنقص مع زميلاتها وكدا واحطلها سندوتش وحليب ومويا وكلهم يرجعوا 😒 الحليب تشرب ربعه والسندوتش اغلبه يرجع معنه اسويلها نص توست وكل كم يوم اغير الحشوه واسالها ايش مشتهيه تاكل بس مافي فايده بتتجنن ع الحلويات ربي يصلحها ويهديها ف امي تعطيها حلويات واقولها ماينفع تقولي عادي بس حبه وهيا حبه ورا حبه ، بنتي كانت تاكل لوحدها بس الشورب انا ااكلها الباقي احطلها وتاكل بنفسها هنا ف بيت اهلي حتى السندوتش انتوا اكلوني وهيا تتسدح وع الايباد وانا دمي يغلي لانه امي تخليني اسوي كل هذا وتقولي صغيره وانتي قاسيه ومن دا الكلام وغير لبس الجزمه وانتوا بكرامه كانت تلبس لوحدها دحين لبسوني كل شيء لازم احد يسويلها غير النوم انخبصت ف بيت اهلي لانه يدخلوا والله نفسيتي مره تعبت ونفسي ارجع بيتي واقعد لوحدي عادي بس المشكله مدرستها جنب بيت اهلي وفيه من يوديها ويجيبها اما ف بيتي بعيده ومحد بيوديها ويجيبها والله ندمت اني سجلتها ولا كان قعدت دحين ف بيتي انا وبنتي معنه زوجي رافض انه لوحدكم لو صار شيء بس انا الحمدلله من النوع الي مااخاف وعادي انزل من الشقه واشتري المقاضي مشي وارجع يعني ادبر امور نفسي بنفسي لكن مالي الا الصبر الين استقر ف بيتي 😞،،


تدخلات الاهل او الزوج ف التربيه الغلط تتعب مره ، بس الكبار ف السن يتعب التفاهم معاهم مررررره ، زوجي عادي اتخاصم معاه مو مشكله بعدين اذا سوت شيء وهو دلعها ادفها عليه هيا اتفاهم معاها واقفل ع نفسي ف غرفه واخليها تبكي واحط سماعات ف اذني ولا عليا تبغى تخرب تربية بنتك انت تتحمل كيف حتطلع البنت ف صار احسن شويا الحمدلله، لانه انا وهو بالنا ابدن مو طووويل ف مانقدر ندلع بزياده ونتحمل الدلع بالشيء المعقول فقط ..




الله يهديهم ويصلحهم ويعيننا ع تربيتهم ..

الحين لمن تسوي سونار فيه ورقه الدكتوره بتكون ماخذها قياسات البيبي اول الصفحه بيكون مكتوب مثلا وزن البيبي efw

مساء الخير كروشات كيفكم 🌹
أم أصيل كيفك الحين إن شاء الله خف الشد؟
أم رهف وفوق الغيوم
حتى أنا ولدي بدأ يعاندني بس هو لسه صغير الله يصلحهم ويعينا على تربيتهم
أم أصيل الله يعطيها العافية نزلت اسم كتاب أمومتي تربية بحب بإذن الله أشتريه وأستفيد منه،،
جنان الورد عادي الوزن مو نازل كثير عن الطبيعي كثري موز وإن شاء الله يزيد الوزن
شوشو العز سلامتكم ماتشوفون شر
كيوت شكرا على المعلومات المفيدة
منديلة بالعافية عليكم ماعرفته هذا حلا ولا كيكة؟
روز فعلا تدخلات الأهل والكبار متعببة جدا
إنتي تبني وهما يخربوا