والله يابنات مااحل الله شي الالحكمه ومااحل زواج الرجل باكثر من امراءه الاوربنامعطينا القدره والصبر على التحمل بس الشيطان حريص انه يسبب مشاكل وحريص انه يفرقك عن زوجك والحسد وحب النفس يخلي الوحده بدوامه بين القبول والرفض وكمان شياطين الانس لهم دور كبير باعدم قبول الموضوع والشماتين اللي مايخلوك بحالك لكن اللي عندها قوة ايمان وقوة صبر وحكيمه وعاقله وتحكم عقلها قبل قلبها وتخلي همها في هذي الدنيا الفانيه رض ربها وبس والله تقدر تتعايش مع الوضع بسلام وامان بس تقوي ايمانها وصلتها بربها والله مايتركها بدبر لها امرها ويسره وينزل عليها الهدوء والسكينه ويعطيها اللين يرضيها اصلاً اللي تتعلق بربها ماعاد تبغى شي من الدنيا ولاعاد يهمها اي شي من منغصات الحياة
انا زوجي متزوج غيري ثلاث بس والله ماتركت بيتي ولا تنازلت عن زوجي وبنفس الوقت ماتعلقت فيه لاجا بيومي اخدمه وابسطوا واحترمه وادلعه واخليه كانه ملاك واذا خرج لبسة عبايتي وعلى جيراني او اخواتي اوالسوق اواخذ اولادي وامشيهم والصباح مسجله بتحفيظ وهو ولا اسال عنه ولاحتى برساله ان دخل علينا بغير يومي مااساله ليش جيت بيته ومحله بغى يجلس حياه الله اولادي ماعمرهم حسوا بتغير بحياتهم ابداً معيشتهم ولله الحمد والمنه احسن عيشه
والله والله والله ان زوجي يقولي مااقدر يمر يوم مااشوفكم وفعلاً لازم يمرنا يومين لاني قدرة اكسبه بالكلام الحلو والمعامله الراقيه والاحترام ياحبايبي الاحترام مهم بين الازواج هو اساس الحياة الزوجيه وحريمه الله يستر عليهم ان قابلتهم رحبت فيهم واكرمتهم وان ماشفتهم مااستل عنهم سلام ياجاري انت بدارك وانا بداري واولادنا زي السمن على العسل حتى فاتحين قروب مع بعضهم ويساله عن بعض ويتجمعه مع بعض ويخرجه مع بعض ويسافروا مع بعض واللهم لك الحمد والشكر عايشه حياتي بالطول والعرض ومعطيه الدنيا طناش والله اذا نظفتي قلبك من الحقد والحسد والضغينه وارضيتي خالقك تعيشي اسعد انسانه على وجه الارض بس لازم نصبر ونجاهد انفسنا ومانستعجل النتائج ولاتخلي زوجك محور حياتك خلي سعادة نفسك الاولويات في حياتك
الله يسخر لكم رجالكم ويسعدكم سعادة الدارين
الي كل من يعرفني في الزوجات الاوليات ..اشتقتلكم
متابعة النقاش، صفحة 7