الي كل من يعرفني في الزوجات الاوليات ..اشتقتلكم

اليوم كنا نسولف ونخطط عن بيت العمر لان ساكنه بشقو صغيرة فوق اهله
انا اقول له ابيت بيت دور ارضي وخو يقول لا لازم نحط فوق شقق
انا عارفه شيقصد بس سويت نفسي ماني فاهمه عليه
الله يكفيني شره

سبحان الله بعض الاجانب لما تكثر فلوسهم ويصير عندهم بيت وشقق وفلوس اول شي يفكرون فيه مستقبل عيالهم وانهم يسفرونهم برا يكملون دراسه واذا رجعوو يلقون اهلهم مجهزين شقتهم للزواج الا احنا فالسعوديه ا الاغلبيه اول ماتكثر فلوس الرجال ويحط له شقتين فوق يروح يتزوج على طول واخر همه عياله ومستقبلهم واحد نعرفه حافي منتف مجرد ماجاه بيت من فاعل خير دور وشقتين راح تزوج عالثانيه وهو كبير وولده اللي بسن الزواج مافكر يزوجه انا لما شرينا البيت زوجي كان مصر على انو يكون شقتين فوق كاستثمار لكن انا ذكيه قلت ابيه دبلكس بستفيد منه كله لاني عارفه ان الرجال مالهم امان

صح كلامك ياسمو العزيزه أكثرهم كذا

طيب معليش بسألك الحين اللي يقولوا اذا جاء حياه الله وإذا راح الله معاه
يعني خلاص إذا طلع من عندك ماتراسلينه ماتحسسيه بالحب والشوق
بس حياتك معاه تكون مقتصرة معاه داخل البيت فقط وهل الشيء هذا اغلب اللي مرتاحات سواء كانت اولى او ثانية او ثالثه ولا احنا بس اللي حكم علينا بالإعدام في الحياة الزوجية 😂😂ودي اعرف صدقوني
بجرب كل الاساليب تبرئه للذمة بقوله يارب حاولت وعيت نفسي تستكين

اانا ماشية باسلوب الإنفصال العاطفي والرسائل والإتصال للضرورة حتى لو هو بالدوام بيومي لان دوامه طوييل ....
تجاربكم يابنات اللي موجودة مع زوجها ويقسم بالعدل

والله ياقلبي موب كل الحريم عندهم القدره على الصبر انتي مشاء الله ربي عطاك عقل ورزانه وثبات لكن غيرك ماتقدر ولد عمة زوجي يحب زوجته ويموت فيها ومابينهم الا كل خير فجاه بدون مقدمات تزوج والله يازوجته تنوح بفراشها كن ميت لها احد بغت تنهبل لانها تحبه وتغليه وهو نفس الشي محد كان متوقع بس هو ماتحمل يوم شاف ام عياله مرضت وتعبت وطلق الثانيه وقعد يقول لزوجته والله انك تاج راسي والله ماجا منك قصور وانتي ام عيالي وانا يوم تزوجت ماهو عيب فيك بس رغم انه طلق الثانيه لكن صار فيه فجوه بينهم خلاص زوجته تقول معاد حبه مثل اول انكسر فداخلي شي واحس للحين مجروحه خلاصة كلامي ان مو كل الحريم تتحمل خصوصا لما تكون ماقصرت وهومدللها ومابينهم شي بس انتي يمكن كانت صدمتك فالبدايه وبعد ماصف الباقي خلاص مات قلبك