خطفت بنتي وهربت وزوجي ولا حس فينا

هلا اخواتي


انتبهوا الله يسعدكم نصيحة لا تخلون اطفالكم في المولات مع ازواجكم ترى الرجال مفهيين ومو قد المسؤولية


رحنا انا وزوجي وعيالي مول وقلت لزوجي بحط البنات عندك انتبه لهم وانا وولدي بنروح نشتري عشاء من المطعم اللي في المول ورحت وخليتهم عنده
واتذكر فجأة اني ماخذت منه فلوس ورجعت لزوجي الا والاقيه قاعد يصور بنتي ام السنتين وعاطي ظهره لبنتي الصغيرة ام ثلاث شهور وهي في العربية والناس تمشي وهو لاهي عنها ولو جاء احد اخذها مادرى عنها بسم الله عليها
المهم انا عصبت وقلت بهاوشه بس قلت لا لازم اعلمه درس عشان لا يفهي مرة ثانية رحت خطفت بنتي وسحبت عربيتها ورحت بعيد واتخيلوا ماحس فينا وقعد يصور ولا على باله
انا قعدت جنب العربية اراقبه وش بيسوي المهم بعد ماخلص يصور بنتي التفت الا مايلقى العربية تلفت يمين يسار ولا لقى شي اتوتر شوي ماصبرت طلعت له بالعربية وضحك وقال مسويه فيني مقلب قلت بعصبية انت ماعندك احساس قاعد تصور البنت وعاطي ظهرك للبنت الصغيرة ولاهي عنها ولو جاء احد اخذها مادرى عنها شلون تسوي كذا
المهم يا بنات حبيت انبهكم لا تخلون اطفالكم عند ازواجكم في المولات
الله يحفظ جميع أولاد المسلمين