وش اسوي معه شيرو علي بتصرف الصح

السلام عليكم


يسعدكم ربي شورو علي بالتصرف الصح
زوجي شمالي شرق الحمد لله زين معي بس مهملني شوي بسبب حبه الزايد لاهله وانا راضيه وساكته ماعندي مشكله غصب متعايشه مع الوضع هم اهله وان شاء الله بيعيد علينا بالخير والبركه من ربي


المشكله انه بحكم شغله يسافر عني يعني سبوع سبوعين وداخلي مايروح برى لا


فا انا اجلس عند اهلي الي غاثن انه زياده على هذا كله هاب لي بطلعات البر كل بين فتره وفتره يطلع للبر ثلاث اربع ايام مره مرتين وانا اعدي خلااااص مليييت عجزت استقر بيتي اخر مره منعته قلت لا لا تروح وزعلت وطنقرت مافي فايده
مصمم بيروح يوم جاء يروح انا اخذت شنطه كبيره شوي انهبل يحسبن عشاني زعله ابجلس عند اهلي ما ابيه ويسالني وشوله هالشنطه قلت احتاجه وسالني كم مره واقوله احتاج اغراض وجلس متضايق ويهوجس يوم جينا نمشي سالني قلت عندنا عزيمه ويجي يعصب علي ويهارشني قال كان قلتي من الاول وهو معصب وزعل والحين لي سبوع عند اهلي هو طلع للبر ثلاث ايام بس ولا جاء ياخذن ولا شي
دقت مره عليه مارد علي وزعل مايتصل ابد ولا شي الحين انا ما اتصل عليه ابد ولا هو




وش رايكم وش اسوي وشلون انصرف

5 تعليق 1,069 مشاهدة

شاركي في النقاش

سجلي الدخول لإضافة تعليق.

التعليقات

4
  1. @boh_almsaaa

    عزيزتي باين زوجك يحبك ويمكن انه فهم لما أخذتي الشنطة الكبيرة انك زعلانة وماترجعين معه بعدين
    أو فهم انك سويتي ذا الحركة تشوفين ردة فعله
    عشان كذا شال بخاطره
    لا تخافين حبيبتي ان شاءالله يتصل هو فيك
    بس اصبري وتحملي طبع زوجك دامه طيب معك
    ومرده لك
  2. @kly_tfaol7

    الله يهدي سركم بس كيف يعني اول مره يطول عليك ويترك عند اهلك انا حاسه الموضوع مايستاهل زعل بالذات منه هو يعني هو فهم خطأ انتي ماقلتي له شي بشكل عام عموما بردي على قلبك مرده لك ان شاءالله ومافيها شي لو ترسلين له رسالة حب ع الطاير تذوب الجليد استغفرالله الذي لااله الا هوا واتوب اليه
  3. @alhnof2013

    صاحبة الموضوع
    الله يجزاكم خير على الردود المطمنه الله يطمن قلوبكم


    برايكم يعني اتصل عليه ثانيه ولا لا ؟؟؟
    ترى اتصالي عليه كان قبل تقريبا اربع ايام ولا رد الاتصال
    اتصل ثانيه ولا لا ؟

تابعي تجارب أخرى من هذا القسم.