الصراحه عجزت احط عنوان! مصدومه

كلام بياض الثلج صح.. وعمتك كلامها صح حتى انا احس بنفس الإحساس ناحية عيال خواتي واخواني.. لأني قريبة من خواتي بس مرت اخوي لا مب ذاك الزود.. بس ما يعني هالشي إني أظلم عيال اخوي، لا أعاملهم كلهم سوا بس قلبي يميل لعيال خواتي.
بس الله يسامحها ما كان له داعي تقولها بشكل صريح لو كتمت أحسن.

يحلوكم يابنات حواء للحين متواصلين المتابعات خطفهم الانستجرام والسناب اللي ماله طعم حبيت اكلم بياض الثلج اختي بالله لك حق تزعلي على عمتك المفروض تجامل وانا اقولك بنات اخوي احبكم لانهم من دمي اكثر من بنات اختي بس اللي يحط حواجز بيني وبينهم الام يعني بنات اخوي اشوف ولاءهم واسرارهم وميانتهم اكثر مع خالاتهم وحريم خالهم عشان جذي افضل علسههم بنات اختي بس غلاهم بالثىقلب ومستحيل قداهم اقول انتم افضل فصدققيني مقياس المحبة علاقة الام بحمواتها والعكس بعض الحموات لو مرت اخوهم طيبه قلبهم على خواتهم اكثر وصراحة اناضد الطبع هذا القرايب قرايب بالدم وبالدين بس هذا اعتبره جهل ونوع من القطيعه

سبحان الله انا تأكدت الحين بعد هالموضوع انه عيال الاخت اقرب وأحب سبحان الله
اختي واخواني بدون مبالغة يحبون عيالي اكثر من عيال اخواني
وكنت استغرب هالمعاملة ماشاءالله تبارك الله
لك الحمد ولك الشكر يا الله
صدقوني اذا صارت معاملتكم حلوة مع اخوانكم بيحبونكم ويحبون عيالكم هذا اللي قاعد يصير

الخاله اخت الام احن من اخت الأب كلهم يحبونك بس شوفي حضانه الأطفال للام او أمها واخواتها العم عصبه فقط هذا في الشرع

م قدرت ارد ع كل وحده ،
بس صدّقوني عمتي ذي اطيب واحسن انسانة
ولا توقعّت هالكلام منها، لاني أشوفها غيييير غيير
يعني طبيعي أنجرح و الكلّام يجرح، وانا مو حساسه، او قلبي ضعّيف .. لكن ماله داعي ينقال هالكلام ابدًا
يعني الواحد يحتفظ به لنفسه أفضل، انا والله مسسسستتتحيل أجي وأقول عيال خواتي احبهم اكثر ، مقدر، وهم عندي نفس بعض احبهم كلهم ❤


وانا مازعلت منها او كرهتهاآ ابدًا ابدًا ، انا قلت اني انجرحت فقط وحبيت افضفض .
من سمعت كلامها اعاملها زي قبل واسولف معاهاا،
ماكرهتها وقلبت كل شي زين فيها لسيء .