تجمع التباشير الثاني عشر لمواليد ( يناير - فبراير)

الله يحفظ أولادنا ويكفيهم شر كل ذي شر
كل ما كبروا كل ما كبر همهم معاهم
استودعناهم الله وهو خير الحافظين

الله يعينك
بس الحمدلله هم وانزاح
اذا عدى اليوم الاول بعد التطهير الباقي سهل

لا توسوسين يا قلبي
ان شاء الله ما تنفك عليك
بس صراحة وقت الجد ما يهم شي
انا فكوا المويه في المستشفى وكانت تقول السستر ارفعي عبايتك وانا اقول ماله داعي أبغى أولد وارتاح

ياقلبي ليش شايلة هم عادي لو انكبت موية الجنين عا الفراش ودية للمغسلة وانتهت المشكلة

حبنات اخباركم وحشتوني
والله مع بنوتتي ماعاد فيه وقت
ماقلت لكم اكشن ولادتي 😬😀😢
طبعا بدا معي الطلق ونزول الدم من يوم الخميس وكل مارحت وكشفو رجعوني المهم شد عليه الالم يوم الجمعة في الليل تعبت مره لدرجة اكل الله يكرمكم واستفرغ من شدة الطلق رحت للمستشفى الساعة 2 بالليل ورجعتني تقول باقي المهم في الصباح يوم السبت شد الالم مررررره ورحت قالت 5 سم وطلعوني غرفة الولادة في مستشفى حراء دخلت ثمانية الصباح وطوال اليوم وانا الطلق تعبني بس مع الكمام ارتحت شوي تخيلو من ثمانية الصباح حتى 6المغرب فتح عشرة ولما قالت لي فرحت مررره لان حيلي انهد من الطلق والاستفراغ الله يكرمكم وجات اللحظة الحاسمه وقت الدفع خلاص مافيه قوه تجمعوا الدكتورات والممرضات حاولو ضغطو بطني بغيت اموت والنونو صار نبضه ضعيف واخر حل جهاز الشفط لاني ماقدرت ادفع وفي ثواني وانا اسمع صياح بنوتتي
الحمد لله جبتها 8 ونصف المساء ونظفو وخيطو لي لكن اتوقع اني نزفت لان الدم نزل عندي وطلعوني غرفة ثانيه وجابو لنا عشاء وبعدين طلعوني تنويم وبنوتتي ودوها الحضانه لانها جات شفط وخافوًعليها وطلعت من الحضانه اليوم الثاني وانا ما طلعت لان مريات الدم البيضاء مرتفعه وعطوني محلول واليوم الثاني سوو تحليل قالو الدم عندك 7 وتحتاجين كيسين دم وانا رفضت لاني مرره طفشت من المستشفى بارد وبنوتتي بس تبكي وخفت عليها من البرد وقعت خروج على مسؤوليتي والحمد لله انا الان عند اهلي احس بتعب بس اعوض فقر الدم بالغذاء الصحي والحمد لله ماشي الحال وبما اني مستجده في الامومه احوس معها حوسه والبارح الله يصلحها سهرتني لكنها ماشاء الله عسل 😘😘


وهذا اكشن ولادتي الله ييسر للباقيات وتكون ولادتهم سهله واعذروني على انشغالي تعرفون النفاس وحوستها