زوجة خالي وأخو زوجها (خالي الثاني)

السلام عليكم ورحمة الله
عزيزاتي
أود أن أعرض عليكم مشكلة زوجة خالي ،،
جتني البارحة وقالت لي بسألج سؤال،، من نبرة صوتها حسيتها متضايقة وقلت لها تفضلي ،،

قالت لي لو أخو زوجج استغل فرصة غيابج ودخل ينام في غرفة نومكم وعلى سريرج هل تقبلين،،
قلت لها طبعا لا لأن غرفة النوم شي خاص جداً وما يصير ريال غريب حتى لو اخو زوجي يدخل،، لأن كل خصوصيات المرأة هناك في الغرفة،، وهو في الأخير ليس محرم ،،
قالت لي أنا أخو زوجي (اللي هو خالي الثاني) ينام فر غرفتي كيف أتصرف؟؟ مع العلم أن زوجها يعلم بالأمر ويقول لها هاي مب غرفتج روحج هاي غرفتي انا بعد،،
مسكينة مب عارفة كيف تتصرف بحيث تفهم زوجها إن هالأمر ما يجوز _رغم انها حاولت وكانت اتحط ملابسها الداخلية أمام زوجها عشان يعرف إن هالغرفة خاصة جداً_ بس زوجها ما يراعي هذا الشي،،
ورغم ان خالي إلا إني ما أقدر أقول له لأنه لو قلت له بيعرف إن زوجته هي اللي خبرتني وانا ما اريد الامور تتأزم بينهم،،

شو تنصحونها يا بنات كيف ممكن تتصرف؟؟

10 تعليق 2,758 مشاهدة

شاركي في النقاش

سجلي الدخول لإضافة تعليق.

التعليقات

10
  1. وش بننصحها فيه الا انه لاااااااااايدخل غرفتها مايستحي على وجهه واللي مايستحي لاتستحي منه
    عاد تشوف الطريقة المناسبة بس خلص لا يدخلها منا وطالع
    عيب وحرام كمان
  2. @rym_alamarat_2

    اذا تهاونت وسكتت راح يفكرون انها راضيه وخلاص ...

    خليها تكون حازمه وشديدة مع زوجها واخوه...مايصير جي...

    واذا مانفع تقفل غرفتها بالمفتاح وحزتها ماظن يتجرأ يروح ينام بالغرفة..

    الله يكون بعونها الصراحه..
  3. @gnayn_ord_3

    امبييييييي
    وش هالتصرف مايجوز حرااااااااااام ليش ماكلمت مثلا امه – ان كانت موجوده - او انها تكلم اهلها يكلمونه مايصير جذي،، او تقدر انها مثلا تراسل موقع فتاوى وتعرض مشكلتها على الشيخ تنسخ الرد وتعطيه لزوجها،، فعلا استغربت من تصرفه الله يهديه بس ويكون بعونها..
  4. @ks_1

    صاحبة الموضوع
    ~ جناين ورد ~
    امبييييييي وش هالتصرف مايجوز حرااااااااااام ليش ماكلمت مثلا امه – ان كانت موجوده - او انها تكلم اهلها يكلمونه مايصير جذي،، او تقدر انها مثلا تراسل موقع فتاوى وتعرض مشكلتها على الشيخ تنسخ الرد وتعطيه لزوجها،، فعلا استغربت من تصرفه الله يه…
    المشكلة انه أمه مب لهناك وهي روحها تدخل غرفتها بغايابها وتفتح أغراضها ،، وهي مسكينة ساكته عشان ما تزعل زوجها ،، أنا الصراحة انصدمت ما توقعت خالي يكون سلبي لهالدرجة ،، حتى أمس أمي عصبت وايد لما عرفت رغم ان أخوها ،،
    مسكينة أمس كانت تصيح عورت لي قلبي ،،
    أنا قلت لها خليج حازمة معاه بس أهم شي يكون أسلوبج زين ،، لأن بعض الأزواج ديكتاتوريين وممكن يستغل كونه رجل ،، خصوصا إن خالي هذا من النوع اللي يحب يبرز عضلاته ويبين إن له حكم على المرأة ،،

    أنا مقهورة منه ،،
  5. @anfynyty

    قصة
    المشكلة انه أمه مب لهناك وهي روحها تدخل غرفتها بغايابها وتفتح أغراضها ،، وهي مسكينة ساكته عشان ما تزعل زوجها ،، أنا الصراحة انصدمت ما توقعت خالي يكون سلبي لهالدرجة ،، حتى أمس أمي عصبت وايد لما عرفت رغم ان أخوها ،، مسكينة أمس كانت تصيح عو…


    استغفر الله
    اختي اسمحي لي لا تزعلين من كلامي
    بس والله المشكله قهرتني وااايد...
    استحملي كلامي لو انه هالانسان
    يكون خالج.....

    الريال يغار على عرضه وتصرفه
    هاا يبين انه مب ريال ولا يستحي على ويهه
    جليل الحيا

    واخو ألعن وأخس بعد

    اختي المشكله محد بيحلها غير ربيعتج
    زين يوم الوحده تراعي ريلها وتخاف
    تزعله ....ريلها.....يعني ريااااااااااااال
    وهذا اسمحي لي ما ينفع حتى اني اقول
    عنه حرمه....

    لو تمت ساكته ، بتزيد المشكله وعادي لو
    في يوم من الايام تقول امه بترقد وياهم
    او يقولون لها لو مب عايبنج، ارقدي مكان
    ثاني....

    شو بعد هاي مب غرفتج بروحج؟؟؟
    لو بيزات ماعليه
    لو سياره ماعليه
    لو أي شي مادي اوكي
    بس ياناس هاي غرفتها، المكان الوحيد
    اللي تمتلكه، مالها حق فيه؟؟؟؟
    يعني هو مأجر الغرفه من هله او مشارك
    اخوه فيها؟؟؟؟
    يعني امه تفتش ...ممكن تكتم غصتها وتسكت
    لكن اخوه؟؟؟؟؟؟؟؟؟؟؟ اختي حتى لو وحده
    من خواته او أمه المفروض ما ترضا

    خليها ترمسه ولو ما نفع، خلها تدخل أهلها
    عفوا هي مب يالسه تطلب المستحيل،
    هي تطالب بحقها، حق آدمية أنثى على
    ذمة ريال (المفروض يعني)

    الله يعينها على مصيبتها في ريلها ، وخبريها
    لو ما تحركت، عادي التمادي يوصل
    لأبعد من جيه

تابعي تجارب أخرى من هذا القسم.