تجمع الرابطات ( ربط عنق الرحم) السابع والثلاثون 37

اخباركم بنات وين الغيبه والحماس
وش مسوين اذا تحبوا اسوي قروب عالواتس مستعده ارسلوا لي الرقم ع الخاص عشان التواصل يكون اسهل انتظركم ع الخاص

مساء الخير
كيفكم يامربوطات
لوف ها ..
ايوه انا في الشهور الاخيره بس لسى مافكيت الربط
ان شاء الله موعدي الجاي راح تحدد لي الدكتورة متى راح تفكه
ربي تريحني وتريحكم وتقر عينا بشوفة ضنانا

السلام عليكم جميعا
وحشتووووووووووووني ..........سيسوما ننتظر البشارة
الله يتمم لكم يارب .......،.مجبوس لحم لك وحشه
محبة القران
سوي ربط ولا تغامرين بحملك ....،،،،،.يارب تكونين عملتي الربط
دعواتكم لي للحين ما حملت ،،،،،،،

سالخير يا بطات 😁 خيوط من حرير .. زحمة أفكار تسلمون ياقلبي على الترحيب 😍 شقد وحشني التجمع والحمل والربط والوسواس😂😂والله احن لذيك الأيام فعلاً ايام حللللللللللوة يمكن أهي الحين ايام صعبه وتتمنون تنتهي بسرعه لكن عقب ماتولدون بالسلامه راح تشتاقون لها وتتمنون تعيدونها مثلي .. حبايبي اللي رابطين لأول مره .. لا تخافون تعاملوا مع الموضوع بسهوله .. ترا ان سهلتيها تسهل وان سهلتيها تصعب انا أظن ان بعضكم عارفني وعارف قصتي وشلون كنت تعبانه .. ربطي الاول تنوّمت في المستشفى 3 شهور تقريباً بسبب الوسواس .. لكن ربطي الثاني كان واااايد اسهل من الاول يوم قمت اهدي بالي .. صحيح جاتني فترة تعبت لكن الحمدلله عدت على خير .. نصيحتي لكم أنكم تعتمدون خطه علاجيه مثل اللي كنّا نمشي عليها انا والرابطات اللي كانوا معاي .. هذي الخطه تساعد انك تتجنبين الالتهابات وترتاحين من الفكر والوسواس .. من خلال قرأتي لبعض تجاربكم شفت ان عندكم لما تعملون الربط الدكتور يكتفي بالمضاد اثناء العملية وخلاص يقول مارسي حياتك الطبيعيه !! لا .. لازم مضاد وقائي كل شهر ومحافظة تامه على الربط من الالتهابات .. بعض اللي كانو معاي كانوا يأخذون مضاد وقائي كل شهر وبعضنا كل يوم وانا كل أسبوعين وكذا .. الفحص الدوري ظروري بول ومسحة ... الراحه ثم الراحه اذا كنتي تعانين من قصر عنق الرحم ولا تتحركون اذا كان عندك ارتخاء مثلي لحد ما تعدي السابع 😁
الله يهون عليكم وتقومون بالسلامة 😘😘
زحمه : أظن إنتي اللي جننتيني بالوسواس ولا حد غيرك🤔 إنتي اللي كنت تسألين عن العطر

لا لسا ماعملته 😭 جتني كحه وبلغم وزكام وأجلت ان شاءالله الاحد باخذ اوراقي واروح