مساء السعاده ..
اتمنى انو الجميع يكون بخير بنات احس بحزن بقلبي واحس اني منكسره مدري شلون اشرح حالتي ابوي توفى الله يرحمه ويجعل مثواه الجنه من غير حساب ولا سابق عذاب يارب ..
ابوي كان له مكانه الله يرحمه ويعتبر فقيده عند الجميع الحمدلله على كل حال انا متزوجه بس احس بحرقه بقلبي اذا تذكرته ولا ابو زوجي قالي شي عن سوالفهم زمان احس مقدر اتحمل دموعي تنزل من غير شعور صرت انحرج من الاجتماعات والله اي لحظه دموعي تنزل اببكي مقدر تعبت ابغى اكون لوحدي اشوف صور ابوي واتذكر مواقفه معانا وجلسته معانا ماعندي رغبه اختلط ب أحد احس الحياه سودا بوجهي مدري اكتئاب وقلق وربي ابكي قبل النوم اتذكر كل شي اتذكر لما جيت بيت اهلي للعزاء البيت ظلااااااام حزين يفجع ولما دخلت مع المدخل اشوف عربيه حقت ابوي كان يستخدمها وهو مريض يالله طحت من طولي بالارض ...
يارب لا تفجعنا على غالي وتجمعنا معاهم بجنات النعيم يارب ..
نفسي اتأقلم مع الوضع بس مقدر بس افكر التفكير ذبحني والله وضعي صعب تصدقون جاني وسواس اكلم امي احيانا مرتين باليوم صرت اخاف من الجوال لادق قبل ارد ادعي يارب خير اتذكر لما اتصلو قالو ابوك توفى .. مهما انبسط شوي اسولف مع احد اتذكر موقف بسيط تقفل بوجهي واحس اببكي ادخل اي مكان امسح دموعي ابوي له كم شهر بس جروحي عيت تطيب يارب تفرج همي .. يارب يارب ارزقنا الشهاده قبل الموت وحسن الخاتمه يارب العالمين
يارب اجعل ابي بالفردوس الاعلى يارب كما اخذته من ضيق الدنيا والمرض والالام تعوضه بجناتك ،، اللهم صلي وسلم على سيدنا ونبينا محمد ..
شاركي في النقاش
سجلي الدخول لإضافة تعليق.
التعليقات
59- لدرجه لما احد يعزمني ولا ابطلع مكان احس بقلق مدري مالي رغبه واذا لازم اروح قبل اطلع اتصل على امي واتطمن انها طيبه وخاطرها زين اعرفها من نبرة صوتها لو فيها شي واتصل على اخواني اتطمن مدري قلق وبعدين ارتاح واروح مشواري مدري حالتي ذي وش !! اشوف الناس عايشين احس مرتاحين القلق شي فظيع والوسواس الله يعين
- عظم الله أجرك .... وآخر الاحزان ان شاءالله
الحمدلله على كل حال ...
ابيك تذكري شي واحد فقط ...
حديث الرسول صَل الله عليه وسلم ينقطع عمل ابن آدم الا من ثلاث وذكر منها ولد صالح يدعو له ..
فلا تكوني الا كذا ادعي له وذكري أخواتك وإخوانك بدعاء له
كوني له ابنة صالحه بعد مماته
والله يصبركم يااااااااااارب .. - الله يرحمه ويغفر له
هذا طريق كلنا ماشينه
وحزنك طبيعي
ادعي له بالرحمه كلما تذكرتيه
تصدقي عنه هذي الأشياء تنفعه
الله يخلي لك أمك وإخوانك - الله يرحمه ويسكنه الجنه
- والله ماقدرت اكمل موضوعك دمعتي سبقتني .... الله يرحمه ويصبر قلبك ويجمعكم في جناته
مواضيع مشابهة
تابعي تجارب أخرى من هذا القسم.