شاركي في النقاش

سجلي الدخول لإضافة تعليق.

التعليقات

2,246
  1. @noody30

    Noody30
    ازيك يا احلام؟؟ كلنا بخير الحمد لله يا قمر. ربنا يقوم اختك بالف سلامة يا بنات، عندي سؤال: انا بطاقتي الرقم القومي مطلعاها من طنطا بس عاوزة اغير بياناتها و برضه جوزي مطلعها من المنصورة و عاوزين نغير العنوان و البيانات فيها، بنغيرها ازاي؟؟ …
    السلام عليكم و رحمة الله و بركاته

    مشمشة اسكندرانية، جزاكي الله خيرا على ردك عليا في موضوع البطاقة، و ان شاء الله حاعمل زي ما قلتي و اشوف ايه المركز اللي انا تابعة له. الف شكر مرة تانية يا قمر :26:

    أحلام حبوبتي، جزانا و اياكم صالح الاعمال يا قمر، و شكرا على الدعوة الحلوة دي, و عقبال ما نفرح بيكي يا رب :26:

    روشانا، حمدا لله على السلامة يا جميلة. بالنسبة لملف دون هو اتشال منه التثبيت لكن موجود بس بيرجع صفحة و الا اتنين ورا مع الوقت. دوري عليه حتلاقيه ان شاء الله

    كهرمانة ام حبيبة، طمنينا على حبوبة و صحتها، و ربنا يوصلك لزوجك بالسلامة و يطمنا عليكم دايما

    دون، موتيني من الضحك على السجل المدني و اسم مامتك هههههههههههههههه ربنا يديها الصحة و طول العمر و يبارك لها بصحتها يا رب، بس فعلا لازم تغيري الاسم مش بس عشان الميراث، لا عشان كمان اخواتك اللي همه اخواتك يبقوا اخواتك من نفس الام!!! انا عمي مكتوب في شهادة ميلاده اسم باباه غلط بدل السيد كتبوه سيد، فبقى كده ابوه مختلف عن ابو ابويا، تصوري!!! و همه اصلا اخوات من الاب بس، يعني حسب الاوراق الرسمية عمي ده مش عمي خالص، تشابه في الاسماء و بس!!! عموما انا منتظرة نتايج جولتك و معركتك يا حبيبتي عشان اشوف الحكاية تستاهل و الا لا!!!

    يا رانيا، ما هي هالة سرحان معروفة من زمان و كل شوية ليها بلوة و مع ذلك ودن من طين و ودن من عجين، ربنا ينجينا من شياطين الانس و الجن

    ام ابيها، سلامتك يا فطوم الف سلامة، و يا رب تكون ياسمين اتحسنت دلوقت. حلو اوي الايميل ده و معبر جدا، اللهم ارفع مقتك و غضبك عنا.
  2. السلام عليكم ورحمة الله
    كل سنة وانتوا طيبين

    النهاردة دة كنت فى مترو ولقيت الياميش نزل
    تقريبا كدة عين الجمل 58
    مشمشيه بى 23
    فراصيا 27
  3. @am_abyha74

    ازيك يا امول عاملة ايه
    ايه اخبار باباكي دلوقت

    سمسمة
    ازاى ياسمينتك؟ رحتي للدكتورة سوزان؟

    انا لاقيت الياميش في اولاد رجب البندق كان بحاجة واربعين والله اشتريت بس نسيت تقريبا 45 او 43 جنيه وطبعا كده ارخص من السنة اللي فاتت واللوز كان 58 على ما افتكر والبلح 12 جنيه حلو ماما شريته
    المشمشية 25 جنيه
    وهانزل دلوقت تحت العمارة في سوبر ماركت حلو هاجيب القمر الدين واقوللكم على الأسعار

    كان عندي جوزهند وزبيب من السنة اللي فاتت مش هاشتري وبرضه عندي جوز وفستق

    اللهم بلغنا رمضان اللهم بلغنا رمضان

    اليوم قريت انهم هيطبقو التوقيت الشتوي من ليلة الرؤية مش من اول الشهر زى ما هو متبع يعني علشان يخلو المغرب الساعة 6 بدل 7 بس هو كده صح انا مش فاهمة حاجة خالص في مضووع التوقيت ده والله

    يا رانيا

    قريت انك بتحبي تعملي الجبنة الاسطانبولي ليه ما تاخديش معك صفيحتين مثلا وانت مسافرة يكفيكي السنة كلها؟ هم في اليابان بيسمحولكم تاخدوا اكل من هنا زى الدول العربية؟
  4. @oald_aaly

    السلام عليكم جميعا ان شاء الله تكونوا كلكم بخير
    روشنة انا كمان ساكنة في مدينة نصر وكنت باودى ابنى حضانة عند الحديقة الدولية والصراحة كويسة جدا وفرقت معاه فى interview بتاع دخول المدرسة ده غير طبعا انه كان بيطلع طاقته فى اللعب وكمان بقى ليه اصحاب كثير. لكن لوانت عايزة في الحى التامن انا كنت شوفت واحدة ورا اولاد رجب و كانت برضة نظيفة وفيها انشطة بس بصراحة مش فاكرة اسمها دلوقت لكن اقدر اوصف لك مكا نها لو عايزة ----وكمان كان فيه واحدة اسمها sesame street ناحية كل شى اللي فى مصطفي النحاس دي كانت عبارة عن عمارة كاملة بس قالت لي هاحطك في waiting list و فعلا كلمتنى بعد حوالي شهر لكن كنت خلاص وديتة بتاعته

    نودي يا حبيبتى انا عارفة ان المركز الرئيسى بتاع السجل المدنى في العباسية وعلي كل الاحوال انت اشترى ورق بطاقة جديد وامليه والبيانات الجديدة هاتى لها ورق يعنى بالنسبة لك هيكون قسيمة الزواج وايصال نور مثلا باسن زوجك او حاجة توري ان ده عنوانه

    كهرمانة ان شاء الله تكون حبيبة احسن .


    ام ابيها، سلامتك يا فطوم الف سلامة، و يا رب تكون ياسمين اتحسنت دلوقت. حلو اوي الايميل ده و معبر جدا، اللهم ارفع مقتك و غضبك عنا.

تابعي تجارب أخرى من هذا القسم.