طليقة زوجي و الحل معاها ؟! ساعدوني << مشكلة عضوة معنا بالمنتدى

اولا انا اكره واستحقر الرجال اللي يتكلم فطليقته سواء بخير ولا بشر واقدر الرجال اللي اذا طلق زوجته يستر عيوبها حتى لوها كبر الجبال لانها انسانه انتهت من حياته فليه يسمح لنفسه يتكلم عنها ويسمح لاهله يتكلمون فيها ؟؟ ثانيا باستطاعته لما يشوف رسايلها مايرد او يسوي حظر لرقمها وانتهى الموضوع وانتي غلطتي لما عطيتيها مجال انها تغلط وتسب المفروض بلوك بدون اي رد لانك لما رديتي عليها اثبتييلها انك انقهرتي وان كلامها استفزك انسي وجودها تماما وحاولي تنسين زوجك بعد وقولي لاعاد تذكرها ابد ونصيحتي لكل مطلقه مدام زوجك تزوج ماله داعي تذلين نفسك له وتحطين نفسك فمواقف بايخه انا اكره الحرمه اللي تطلب الطلاق او هو اللي يطلقها من نفسه وتسوي فيها انا البطله القويه اللي ماهمني ومافكرت فيه ومجرد مايتزوج تنشب له وتذل نفسها وع اذا اعرس بالطقاق اللي يطقه عزي نفسك واللي يبيعك بيعيه

والله لو بيرجعها كان رجعها من زمان قبل ياخذك..
انتي انسي انه كان مطلق او تناااسي..ولاتحاولي تجيبي سيرة طلاقه لا من قريب ولا من بعيد ..
تخيلي وحده نفس حكايتك بزيادة ان طليقة الرجال ترسل صورها ...واكتشفت زوجته ...وحلف بالله ان ماله علاقه هي الي ترسل وهو مايفتح اللي ترسله...
المهم انتتي ماااعليك منها ...
تسلحي بالدعاء ....والله يجعل كيدها بنحرها...
واستمتعي بحياتك...

معاك حق اخت فتونه الحبوبه الرجال وانا اختك يكرهوا النكد اعطيها بلوك هذي السفيه وعيشي حياتك ولا تجيبي سيرتها كذا خير شر قدامه او قدام اهله طنشي واعطي زوجك كل الحب والله تقدري تملكيه بحبك وحنانك وطيبتك واخلاق والتفاهم ربي يسعدكم ووويوفق بينكم يارب

يختي دوبك عروس ليش تجيبين القرفةلبيتك من بدري اياك تجيبين سيرتها عنده او تنكدين ايامك العسل بسببها فيشوفك نكديه او ياخذ عليك خاطر .خلاص انتي من اساسه ماتعرفينها فاعتبريها كأي شخص في الانستغرام جاي يهينك وكبري راسك وارسلي بس "ههههههههههههه " وكثري منها هنا لاتقدر تمسك عليك كلام ويرتفع ضغطها لانك شايفه كلامها يضحك . اما من ناحية مين الصادق ومين الكذاب ومين اللي معاه الحق فسبيك منها لانها اشياء ماتخصك وغير توجعك فهم اللي يتفاهمون مع بعض . انت دلعي زوجك وابسطيه وبس اذا شوفتيها نكدت عليه بزياده بدرجة انك تتضررين منها قولي له يكلم ابوها يوقفها او انه يبلكها او يغير رقمه او يطلع رقم جديد و يقفل الجوال اللي فيه القديم ومتى ما احتاجه فتحه واخذ اللي يبغاه.
وفي الاخير البعض يخرب بيته بيده وبعد ماتروح منه النعمه لغيره يجلس يتندم وما يعرف يتصرف اما يسخط او يرضى . وربي يريح بالك و يبعدها عنك بغير ضرر.

انتي لساتك عروس عيشي حياتك معاه وعيشيه لحظات حلوه بعيد عن النكد والمشاكل واذا رحتي لااهله وجابوا سيرتها قوليلهم ماابي نغتابها وهي مو موجوده وانك ماتبين تعرفين اي شي عنها عشان ماعاد يتكلمون عنها لاانك ماتعلمين من معه الحق وزوجك نفس الامر اول مايفتح سيرتها قوليله انك ماتحبين يذكرها قدامك والسبب عشان الغيبه مو انك تغارين
والانستقرام خليه خاص ولاعاد تجادلينها ابد عطيها بلوك لان ممكن تستغل كلامك وتصوره وتعمل حالها المظلومه
وابعدي عن اي طريقه تواصل بينكم عيشي لنفسك وزوجك واتركي التفكير فيها لان اذا اشغلتي حالك بها وكل مره عند زوجك تجيبين سيرتها راح ينحاش منك