حساسيه الحليب او شي ثاني

الله يسعدكن ياامهات شوفوا حالت ابني من عمرسنه اكل ذره مسلوقه مع زبده وملح انا ماعرفت الامتاخر انو مااكل منها لما جاء اخر الليل الولد مو قادر ينام كان يئن من بطنه ويرتمي علي وشلت الولد ونومته بس يغمض وهو صاحي اطلع ارتب وهو يحبي وراي ، ارجعه ثاني والقاه يبكي ويحاول يوقف علئ الكنب ومو قادر من الام قلت اكيد مغص طبيعي ظل علئ الحال لين العصر وهو مزاجه خربان ومايبغا شي، المهم العصر غيرت ملابسه والحفاظ الله يكرمكن لقت برازه الذره علئ شكله نازله انفجعت كيف كذا واكيد ذاالي تعب الولد ، بداء بعدها الاسهال والحراره طلعت نزله معويه ماياكل شي والاكل يرفضه وحراره ماتنزل ، اعطوني مضاد لطفيليات وشراب لترجيع قبل الاكل وكمان املاح ووادويه ثانيه للحراره ، اعطيه حليب بس ماياكل ،مر اسبوع ورجعت لبيتي صار عنده سيلان بالانف وصدره مكتوم وحساسيه شديده بمنطقه الحفاظ كانه حرق، ودينا لدكتور قال احتمال حساسيه حليب سالني عن الحليب كنت اعطيه ابتاميل وبدياشور 2 ملعقه مع الحليب لان كان وزنه ضعيف ومابياكل ، قالي وقفي بدياشور وجيبوا عينع براز اكرمكن الله ونشوف ،اعطيه بس ابتاميل ووقفي الشبس والبسكويت واللبن والزبادي والاجبان والكعك،طلعت النتيجه ماعنده حساسيه حليب، طيب الولد لواعطيه كاس لبن بربع ساعه مسوي اسهال ، والزبادي نفس الشي،البيض ماياكل ولاموز ولاسمك ولارز ولااجبان (يعني الذره سوت بولدي كل هالعمايل ولاكيف )صار اذا حطيت بفمه وهو ماانتبه يستفرغ ، معتمد علئ الحليب بس ، اعطيه بدياشور،جربت حليب سعوديه ورجعت التسلخات، الحين ابفهم الي بالولد حساسيه حليب او طفيليات،الدكتور يقولي مافيه حساسيه حليب عنده الي عنده طفيليات اميبيه ؟؟.؟ومنين جت !قالي اكيد من ايدينه متلوثه او مااكل حاجه ملوثه او يمكن من ايدينه اذا دخلت للحفاظ،بالله الي تعرف تعلمني وكيف افرق بين حساسيه الحليب والطفليات ،ولدي يحب الزبادي واللبن لاكن مااجيبهن اخاف يطلبني وارفض يصير بنفسه، وامس جبت لبن وشافه وقلت حرام واعطيته نص كوب واسهال بربع ساعه ، شفت اعراض حساسيه الحليب زي كذا ونتيجه التحليل سلبي،اعذروني علئ الاطاله والله قلبي محروق علي ولدي وماقدرت افهم ل، اتمنئ القئ عندكن حل،واسفه مره ثانيه

7 تعليق 2,088 مشاهدة

شاركي في النقاش

سجلي الدخول لإضافة تعليق.

التعليقات

7
  1. @tfsht_mn_kthralasmaaa

    باقول لك عن ولدي به اكزيميا ويحك جسمه بدون تحليل غيرت حليبه الدكتوره لنان منخفض التحسس وطبعا رفضه بعدين تعود عليه لانه قليل حلاه وقالت لي ضيفي له بسكوته تحليه بس ماحطيت انا
    وكان به بعد حراره تسع وثلاثين وربو والسبب للحراره كان صديد والتهاب بحلقه واخذت علاجه واستمريت عليه مع الموسع وكذا
    وسويت تحليل له وطلع عنده فطريات والاعراض اسهال متواصل لو رضع صدري عادي بس الرضاعه ع طول تنزل وهو يرضع وهذا طبعا مع حليبه منخفض التحسس
    واستمريت ع علاجاته كلها مع امازول مطهر للفطريات وبعد اسبوع عدت التحليل وقالت سليم وقفي العلاج ع انه كاان باقي شوي اسهال وريحه والجميع بكرامه لكن وقفت العلاج والحمدلله تعافى بعد فتره
    لاتنسيني من دعواتك والله يحفظ عيالي ويصلحهم
  2. @tfsht_mn_kthralasmaaa

    وطبعا التسلخات اخذت كريم والله ماادري ش اسمه لكنه غااالي عشانه طبيعي ومع ذلك مافاد وصرت كل ماغيرت له احط فازلين كثثثير والحمدلله اختفتة
  3. @tfsht_mn_kthralasmaaa

    ويمكن البكتيريا اللي جاته من الذره لان كلام الدكتوره تقول الفطريات تجي من الجراثيم لو من يدين الطفل كيف اكل ذره بالذات لو من برا اتوقع هي سبب ابتلوث لكن علاجه سهل باذن الله
  4. @tang_2

    صاحبة الموضوع
    الله يجزاكن كل خير ويحفظ اطفالكن واطفالي وبجعلهم هداه مهتدين واطفال المسلمين، نفسي افهم من الدكتور لاكن دووم مستعجل الحالات كثيره عنده واذا قلت ابشوف وزنه اوكيف اذا شرب حليب يصير فيه كذاء يقولي خليك بالمهم اذا تعافئ الولد تعالئ اهم شي حالته بهاالوقت وان شاءالله يخف وتسالين ويعطيني موعد صباحي ، وبالصباح اكيد مافيه زحمه لاكت مااقدر دوامات،،امس سخن الولد واعطيناه مضاد وصار عنده تسلخات مالعمل مع الدكتور ، مو راضي افتح اي سوال هو شاطر بصراحه لاكن وقته ضيق، برايكم اخذ ولدي لمسشفئ حكومي واعيد ااتحاليل من اول،جزاكن ربي الجنه والف شكر للي ردن علئ مااشوف بكن مكرزه

تابعي تجارب أخرى من هذا القسم.