رنا بنتك تمر بمرحلة حساسة وهي مرحلة المراهقه
من الان ابتعدي عن اسلوب العقاب معاها
كوني قريبه منها واعتبريها صديقة لك
افتحي لها قلبك وخليها هي كمان تثق فيك وتفتح لك قلبها
خذيها للصالون يسوون لها تنظيف بشرة وعناية بالشعر والاظافر
هي الحين تحس نفسها كبيرة وبدأت تهتم بشكلها واول حاجة انتبهت لها حواجبها
اذا ماوجهتيها بطريقة صحيحة راح تبدأ هي تتصرف من راسها بنفسها
اشغليها عن هالامور بأمور البنات الثانيه من عناية بالبشرة والجسم والشعر ووفري لها الجو هذا سواء بالبيت او بالصالون
انزلي السوق معاها وخليها تختار حجابات بناتيه ملونه تناسب سنها وغيري نوعية ملابسها بذوقها طبعاً
وفري لها داخليات ومجموعة العناية الشخصيه
حسسيها انها كبرت خلاص وتحاسب تصرفاتها وكلامها واسلوبها وشكلها بدون تهور او انفعال
واذا احتاجت حاجه تلجأ لك
من كلامك توقعتها طفله صغيره انصدمت لما قلتي عمرها 11 احس خلاص بالعمر هذا ماعادت طفله اسم الله عليها كبرت خلاص
تقدرين تغيرين كل شيء فيها باللين وصدقيني كل ماكنتي قريبه منها وتعاملينها على انها بنت كبيرة راح تلاحظين تصرفاتها تعدلت اما اسلوب الامر والنهي ماراح يجيب نتيجة معاها وراح تسكتك ومن وراك تسوي اللي تبي
تكلمي معاها بعد هذي الاشياء كلها انو عيب وحرام وقوليلها انو الان صارت كبيرة وتصرفاتها محسوبة عليها وماينفع تخون ثقتكم فيها ومن هالقبيل
شوي شوي لين تستوعب الموضوع وتتعد
التجمع الثامن لأحلى مواليد شهر يوليو 7 وشهر أغسطس 8
متابعة النقاش، صفحة 82