زحمة أفكار: بِسْم الله عليج ياقلبي .. تعوذي من ابليس حبيبتي .. ليش الضيق والهم .. الحمدلله عندج واحد وبإذن الله بتملين البيت عيال .. اذا بتسمعين كلام الناس بتتعبين والوحيد اللي بيخسر إنتي .. اللي يتكلم ماراح يخسر شي لكن إنتي ياللي تسمعين بتخسرين 😥 تخسرين صحتك وأعصابك واوقاتك الحلوه .. راح تكونين طول الخط معصبه ومتكدرة وراح يأثر هالشي على علاقتك بزوجك وولدك .. راح يتراكم هالضيق والزعل مع الوقت وبتلقين نفسك تحولتي الى انسانة كئيبة كارهه الدنيا وراح يزيد وزنك بشكل رهيب وراح يملى رأسك الشيب ووزنك راح يزيد بصورة سريعه .. كل هذا ليش؟ لأنك سمحتي للناس يأثرون فيك ويهزون ثقتك بنفسك .. الحل الوحيد انك ما تسمحي لأي مخلوق يتدخل في حياتك .. انا لما سمحت للكل انه يدلي بدلوة انقلبت حياتي جحيم .. صرت كائن عصبي يشكل رهيييييب جسمي اخترب صحتي تدهورت صابني اكتئاب كرهت نفسي لأَنِّي سمحت لهم انهم يحسسوني ان تأخري في الإنجاب بسببي !! ظلّيت سنين أتخبط وأعالج مش عشاني لا عشان الناس يسكتون عني واللي خسر في النهاية انا .. الكل ينام مرتاح وهادي بعد مايرمي كلمته وانا اتحطم واتحطم .. لحد ما جا يوم الله سبحانه كشف بصيرتي وعرفت أني لو اجيب مليون ولد ماراح يسكتون .. اتفقت مع زوجي ان هالموضوع محد له الحق يتكلم فيه الا انا وهو في الوقت اللي نبيه والكيفية اللي نختارها صرت أرد على كل من تسألني .. وقفت الكل عند حدّه .. حطيت لهم حدود مايتخطونها وبينت لهم ان اللي بيتعداها راح يخسرني .. الكل وانا اقصد الكل اقرب اقرب الناس وأبعدهم والحمدلله ارتحت وهديت بعد ما كنت شعلة نار والله رزقني من عنده عيالي فديتهم لكن تدرين متى؟ بعد 8 سنوات من بعد ولدي الكبير .. 8 سنين ضيعتها في هم وغم وكدر ..
حبيبتي توكلي على الله وارتاحي واستأنسي وعيشي حياتج وشبابك والعبي مع وليدج ولا بنتج واهتمي بنفسك وزوجك وخلي اللي مش عاجبه يضرب راْسه بالطوفه 😁😁
تجمع الرابطات ( ربط عنق الرحم) السابع والثلاثون 37
متابعة النقاش، صفحة 112