شاركي في النقاش

سجلي الدخول لإضافة تعليق.

التعليقات

54

  1. @am_totalftfot

    ياقلبي بتتعلمي مع الزواج عادي
    شغل البيت مايبغاله كل يوم بعد ما يروح الدوام رتبي البيت ومسحي الطاولات والدوليب ونفظي الكنب و كنسي الأرض وغسلي الحمامات الله يكرمك ومسحي البلاط وانتهينا وقبل ما يجي بخري
    الكلام كثير بس كلها شغلة نص ساعة وبيتك آخر حلاوة
    الغسيل كل يومين ثلاثة حسب الاحتياج
    الكوي اول باول
    الطبخ عاد مافي اسهل منه مع الأيام بتتعلمي
    انا تزوجت وما اعرف اطبخ والحمدلله الحين اسوي اللي يسر
    وأخيرا
    انت ناقصك ثقة في نفسك بس
    الله يوفقك وييسر امورك😘

  2. @alzbd_alsayhh

    أنصحك كتاب طبخ قديم بي حلو وسهل جدا جدا اسمه نخبة الأطباق ووصفات مضبوط. ..
    ثانيا نصيحه في بدية قولي ابي شغاله لأن مستحيل ماتعرفي شي وفجأءة تصير ست بيت ولو شغاله بساعات
    وشوي شوي نظفي مع شغالات وتتعلم شوي شوي
    تأكدي مافي أحد يولد عالم بس ابدي تعلمي شوي شوي
    بالنسبة للجمال أنصحك حمامات مغربيه وبعدة دلكه ممتازة تنعم وتفتح

  3. @laryn33

    • اهتمي بنفسك وانحفي قبل الملكة الغسيل والكنس والطبخ ملحوق عليها وحتى لو ماضبطت معك فيه شغالات ومطاعم

  4. @mknsh_sryaah

    24 ماتعرفين تسوووين شي نهااايه الدلع اكلتيه عاااد عن الطبخ الي يكثر من كتب الطبخ والاكل السعودي يعتمد على الكبسه اتقنيه وانتهي الموضوع جيبي قدر ضغط وحطي جميع المقادير وركزي ع البهار و20 دقيقه الكبسه مستويه وعن الحلا جيبي كيك جاهز وحطي عليه قشطه ودريم ويب وزينه بالشكولاته وعن القهووو خلي امك تعلمك والشاهي سخني ماء وسكر وجيب اوراق الشاهي المغلفه والعصير والفطاير جاهز والغسيل مابقى له مويه وصابوون و السراميك اغسليه بالشهر اذا محد يجيكم والبخور فحم سخنيه وعود واالباقي احد يفيد انا بنت ومكروووووووف كرف اهم شي تعلمي مسكت دله القهوووووه يبي له شطاره الله يتمم لك ع خير

  5. @mansytk_yom

    ياقلبي مو كل البنات أول ماتزوجوا حريقه بالسنع والشغل الزين أقرب مثال لك أنا والله ماكنت أعرف أطبخ كثير كلها كم وصفه وماتضبط بس مع الأيام تعلمت حبه حبه والحين أقسم بالله وما أمدح نفسي طبخي ينضرب فيه المثل من سناعته وفالعزايم أبوي مايدور الا علي عشان أساعده انتي لاتخافي مع الأيام بتتغيري بس إنتي شدي حيلك وخلي عندك عزيمه إنك بتكوني مرة سنعه بيضي وجهك ووجه أهلك بشغلك الزين أهم شي توكلي على الله ولاتكنسلين الزواج على شي انتي بيدك تصلحيه
    اما من ناحية البيت وترتيبه الحمد لله ماواجهت صعوبه لأني أحب الترتيب من ونا صغيره
    أصلا مايحتاج تعب ترتيب البيت وخاصه ماعندك أطفال لأن هم اللي يحوسو وبس
    انتي دايما تخيلي بيتك نظيف ومرتب والبخور يفوح منه لأن هالشي بروحه بيخلي نفسيتك فوق السحاب وبيفرح زوجك
    أنا متأكده إنك قد المسؤؤليه وقد الزواج بس شدي الهمه وخليك واثقه من نفسك
    أتمنى لك حياة زوجيه سعيده

تابعي تجارب أخرى من هذا القسم.