التجمع الثامن لأحلى مواليد شهر يوليو 7 وشهر أغسطس 8

على طاري النفاس اختي بتولد بعدي واناماارتاح ببيت اهلي لاني اصير نفسيه واخلاقي زفت واحب الهدوء ويجيني اكتئاب تجيني حاله ابي اسكر علي الغرفه بدون مااقابل احد واخواني شباب ولاننا من زمان ماانجبنا طفل صغير الكل متحمس وهم من النوع اللي اذا تحمس كل شوي جالسين بوجهي غداهم عشاهم قهوتهم جمعتهم قدامي واناابي خصوصيه مهما كان نفاسي ببنتي الاولى كنت تعبانه مره وكانت متعسره وطبيعي لمايكون الشخص تعبان مايطيق يقابل احد اماابوي حكايه اخرى عصبي مايتحمل اصوات مع ان قلبه طيب ماارتاح بوجوده مدري ليه مع انه يحاول يسعدنا لكن اذا جاء اتنكد يصارخ اويتفلسف علي لانه دكتور ومسعف وتوه شباب وفلسفته تمرضني واذا صححت معلومته يعصب ولا اذا صرخ على البزران او انتقد امي لانها انشغلت بي وماسمعته يناديها اتنرفز تركبني شياطين الدنيا وتناقز قدامي لانه مايحترم امي وانا تعبانه ابي اختلي بنفسي مابي ازعاج لمحت لزوجي انفس ببيتي اريح لي رفض لانه يخاف يصير لي شيء ومحد عندي وهو يخاف من هالامور
لذلك شايله هم نفاسي لانه بالنسبه لي ام النفسيه وماارجع طبيعيه الا اذا طلعت من النفاس بشهر اوشهرين

انا ماعندي اقارب في المنطقه اللي انا فيها بس عمتي.
صراحه قرف قرف على ان لي عشر سنين فيها لكن انتظر اليوم اللي انقل فيه منها فكرت اروح لاهلي اولد عندهم بس اولادي بيتعبوني اختي الكبيره منفصله عن زوجها واولادهامعها واذا تجمعو عيالي مع عيالها هواش ومضاربه وابوي وامي ياقلبي مايتحملون اروح اخذ ذنب وعقوق وارجع بيتي فكرت اخليهم مع ابوهم بس صعبه يقعدون حول الشهرين معه انا اذا رحت لاهلي اجلس الغالب عشر ايام واخلي الكبير مع ابوه بس شهرين صعبه لكن الحل الاخير اللي قررته اني اولد واجلس في بيتي اسبوعين اكون صرت طيبه وبعدين اروح اكمل معهم باقي النفاس واخلي اولادي الكبار مع ابوهم

بيت الوحده اريح لها صراحه اذا معها عيال انا ولدي البكر والثاني نفست عند اهلي وجاني اجتئاب كل يوم ابكي لاني كنت اتضايق ماودي اشوف امي تخدمني وانا جالسه وغير كذا مافيه خصوصيه على قولتكم وبنتي الاخيره ولدت في بيتي وربي ارتحت ولاشفت الاكتئاب على اني كنت شايله همه طول فترة الحمل لكن الحمد لله مره ارتحت في بيتي وعمتي ساكنه تحت وهي تسوي اكلي والشغاله حقتها ماتقصر تطلع تنظف بيتي الله يكتب لنا الخير يارب وييسر امرنا

ايوه انا مااحب كذا بس انا ساكنه في ديره واهلي في ديره فلما اروح لاهلي زوجي مايقدر يجي ع طول يادوب يجي كم يوم بعد مااولد يسلم علي ويرجع فأتوهق عند اهلي واخجل اطلبهم كل شوي جيبو لي سوو لي مو مثل زوجك تمونين عليه وغير كذا كانت امي كل ماشافتني اقوم تهاوشني اجلسي وارتاحي انتي نفاس فمااحب كذا ابد طبعا. الاعشاب وذي الخرابيط والبخورات لا مااسويها في بيتي اخذ راحتي وادلع نفسي وبعيد عن الناس بس اذا جاو الناس اسوي نفسي تعبانه لاني اخاف تجيك الوحده وتصرعك من عيونها اذكر وحده من صديقاتي كذا كانت اذا جاو الناس تدلعت اخر دلع ومكياج وملابس والناس ماقصرو بالكلام اخر شي تعبت بغت تموت معاد قدرت تتحرك ولاتقوم من الفراش وجلسو يقرون عليها لين الحمد لله ربي شافاها الحريم الكبار الله يستر منهم بس احنا بنات هالايام فاهمين بعض اذا جاو صاحباتي اتدلع لهم اخر دلع بس العجايز لا والله اتحرول اذا جاو هههههههههه

ماتلاحظون اننا سباقات بالاحداث ههههههههه الحين المفترض نفكربصحتنا و بالتجهيز للمولود والولاده الايام تطير سبحان الله كنا نبشر بعض بالحمل الحين كل وحده تفكر بالنفاس ومابقى شيء على الولاده راحت خمس شهور الله المستعان بقى اربعه ونبشر بعض بالولاده بس رجاء اي وحده تولد تطمننا عليها وتتواصل معنا وتفيدنا بتجربتها اتمنى ماننقطع عن التجمع بعد الولاده