التجمع الثامن لأحلى مواليد شهر يوليو 7 وشهر أغسطس 8

ياعمري الله يهون عليك

اي ياسرعها على الحيين

والله كانه امس يوم ادخل لبيتي بعد النفاس واقعد اناظر زاويه الكنب
كنت حاطه بنتي بجلاستها واقول متى بس تقعد ويروح المغص
والحمدلله يارب وماشالله الله يحفظها هالحين نتقهوى انا واياها وتسولف وتهذري نص هرجها مادري وش تقول بس اذا ضحكت ضحكت واذا سوت شي قلدتها يعني تراي معك على الخط ❤️❤️❤️❤️❤️❤️
عقبالك يارب وكل محروم

يااااحلو البنات
بنتي الصغيره راعيه شاهي ومع كل رشفه لازم تقول شخبااااركم❤❤❤

بالنسبه التجهيز مفكره اطلب من نكست البجامات الكامله سعرهم معقووول 3 مع بعض ب 95
والباقي من بطانيات ومهادات من سنتر

شكلو ماحد انتبهلي يلا مو مشكله .. النفاس بالنسبه ليا كئيب وسهر وتعب كان مع بنتي بالذات انو وقت رمضان مو حلو ومادري كيف حيكون النفاس الثاني طبعا حكون عند اهلي افضل لنفسيتي ويساعدوني اخواتي الله يحفظهم ولايحرمني منهم واللي تتكلم ان نفسيتها سيئه وقت الحمل انا زيك تجيني كآبه واكره نفسي وكل شيء وبس ابكي ودحين مع مسووليه بنتي وثقل الحمل خلاص تقفل. بوجهي. الدنيا ..

شذى الياسمين
ماشاءالله يجنوووون الأطقم
فيه حساب ب الانستقرام يوفرهم ؟؟
حنا بالنفاس ما فيه يوم محدد للضيوف .. بس بالعادة محد يجي وايده فاضيه اول أسبوعين خصوصا اول اسبوعين ...


ونفاسي عند امي ان شاء الله .. وحنا جو النفاس ممتع والله .. خالاتي وبناتهم دايم يتجمعون وكل وحدة وحدة تجيب شي ... احس البكرية صعب تنفس ب بيتها ! اول شي يبي لها وقت ع ما تتعافى وتقوم ع حيلها .. وفوق ذا قعدة البيت لحالك هي اللي تجيب الاكتئاب
بس الأمهات ما ينلامون أريح لعيالهم ب بيتهم وعند ابوهم
بس حنا ب مجتمعنا ما قد سمعت وحدة نفست ببيتها الا الحريم الكبار اللي بناتهم كبار بعد ويساعدونهم
والله سوالف التجهيز والنفاس تسلينا وتحسسنا إنّو ما باقي شي 💜
الله يسهل علينا يارب 😭💞