السلام عليكم ورحمة الله وبركاته
ابي الحكيمة والعاقلة يعني اللي تفكر بعقلها ترد علي اما العواطف مالها مكان الله يجزاها كل خير
بقولكم قصتي لاني محتاره ومو عارفه كيف اتصرف
القصة انه زوجي تزوج علي وحده من ديرته وساكنه هناك وانا وعيالي متعودين الاجازات القصيره عند اهله والاجازة الكبيرة عند اهلي ..لنا سنين عالنظام هذا ...احنا ساكنين في منطقه بعيده شوي عن اهالينا....بس الحين بعد ماتزوج قلت له ديرتك ماراح اروح لها مره ثانيه ... زوجي عنده بيت وكنت انزل فيه ...بعد ماتزوج دخلها البيت واعطاها غرفه ... واذا رحنا طبعا ماتدخل البيت هي مو جالسه فيه الا اذا راح لها زوجي.... عندها بيتها ساكنه فيه مع عيالها من زوجها الاول
زوجي نفسه اني اسافر .... بس انا محتاره صليت استخاره والاجازه باقي لها كم يوم وتبدأ ومو عارفه اوافق اروح ولا اجلس في بيتي احسن
علما انه حنا ماراح نتقابل انا وزوجته الثانيه ...
راح اقول لكم اسبابي ...بالاساس انا ماارتاح هناك .. وملل ... وبعد ماتزوج انقهرت وقهري اكثر عالبيت
واحساسي يقول اذا رحت بثبت لهم واولهم زوجي اني راضيه بزواجه علي ..
صح مشاعري تجاهه تغير ت كثير ..بس لسى الموضوع مأثر علي
ان شاءالله تكونوا فهمتوا علي وعرفت اوصلكم الصورة الصحيحة
بالله انصحوني وشوروا علي ... وتذكري نصيحتك لي راح يسألك عنها رب العالمين
شاركي في النقاش
سجلي الدخول لإضافة تعليق.
التعليقات
63- انا من رايي انك تسافري عشان زوجك مدام نفسه تسافري معاه
- انا اشوف خليك على نظامك الاول اذا ماتشوفك ولاتشوفيها
لان بكل الاحوال اتوقع راح ياخذ عيالك معه اكيد اهله بيشوفنهم تجلسين لوحدك !!!
وسالفة انهم يحسون انك راضية او مو راضية بزواجة مو مهم لان خلاص تزوج وصار عندة حرمة - اول شي مشاء الله عليك واضح انك نتي من الاساس انسانه حكيمه وهالشي واضح من كلامك انا بقولك راي ولك الحق تقبلينه او ترفضينه بصراحه منتي ملزومه تروحين لمكان انتي مو مرتاحه فيه وبنفس الوقت داخليا منتي مقتنعه ولك اسبابك فاذا زوجك ماراح يعارض روحتك او يسويلك مشاكل تقدرين تقولين له باسلوب والله انا مابي اروح وماني مرتاحه من هالروحه وودي اقعد فبيتي انا وعيالي احسن لي لانوو بجد منتي مجبوره تضغطين على نفسك ترى الانسان ماراح يعيش عمره الا مره فليش تنكدين على نفسك وتشيلين هم والامور بسيطه
- والله ياحبيبتي بعيدا عن العواطف مثل ما قلتي بس إنت مو مجبورة تروحي إن كنت مش مرتاحة وخاصه إدا رحت وسمعتي كلام عن زوجته الثانية من أهله يعني تخافي تنجرح مشاعرك اكثر وإدا زواجه له سنين فروحي عادي يعني تكوني تقبلتي الموضوع وإنت أدرى بوضعك يعني قرارك إنت وربي يكتبلك ما فيه الخير يارب
- ليش تغيرين نظامك وضع له سنين عشان انه تزوج انتي كذا تثبتين لهم انك في موقف ضعف
عزيزتي وانا بدالك وبما انك اصلا مارح تشوفينها دقي لك اغرض وملابس ومكياج وادهر واكشخي واقهر الكل واولهم زوجك
نصيحه من قلب لكل زوجه اولى لا تبيني لزوجك واهل زوجك انك متضايقه من زواجه بالعكس بيني للجميع انه اخر همك والله ماتعرفون احساس الزوج رح يركض وراك وتكوني انتي محور اهتمامه لكنك ساحبه
الله ييسر لك
سبحان الله الحمدالله
مواضيع مشابهة
تابعي تجارب أخرى من هذا القسم.