التجمع ال 13 لحوامل ونفوسات ( يناير و فبراير ) 👼

لا لاتشوفينها ماراح يعجبك الشكل 😂😂

رجاوي ليش ايش يصير لو كثرت 😖😱 بنتي تتحرك كثير وقت الدوا اخاف ينقط كثير


ندوش مبررروك حبيبتي تتربى بعزكم

نقطيه بملعقه وبعدين اعطيها

تلاحظين لما تعطينها الدواء تنام بعدها
الجرعه الزائده تاثر على القلب

الحمدلله ماشي حالي
قاعده اتعلم حبه حبه 😅😅😅

• صباح الخير كيفكم كروشات الله يسهل على الباقين يارب هانت كلها كم يوم وترتاحون الله يرزقكم بالولاده السهله الميسره

بقولكم قصة ولادتي قبل 8سنوات كنت متهاوشه مع زوجي وانا بالسبوع 38 كنت مررره تعبانه
وطفشانه والزعل بيننا واصل حده ومانكلم بعض واروح لاهلي اسهر عندهم بس مالي خلق وتعبانه واحس بمغص والم بس مو معطيته اي اهتمام مدري وش احس فيه ذاك الوقت ههههههه امي تطالعني انتي فيك طلق اقول لا مافيني شي
تقول وجهك الوان وتتألمين بالله اذا فيك شي روحي للزوجك يوديك تراني اخاف ماعاد اتحمل قلت ابد مافيني شي
واكمل سهرتي مع خواتي واروح بيتي واجلس للظهر ومعي مغص ويجي زوجي واحط له غداه وانا على الصامت
والالم مقطعني ولافكرت اقول ودني وفجأه تنفك المويه وتكب كب واصيح على الشغاله جيبي الويز وتجيني تركض ماما وش فيه واصكر ارجولي ماقدر امشي
وتروح للزوجي مدام تعبان انا هنا حسيت اني صدق بولد اول مافكر صحصحت للنفسي واصيح ونروح المستشفى وانا اصارخ وهو يهديني ولما دخلت طلع مفتوح 6سم
على طول طلعوني الكشك وهو راح معزوم باستراحه الساعه 7المغرب ولدت الحمدلله بس بعدها هو يتابع مع السسترات وتطمن اني ولدت وكان واحد من عيال عمي يمشي وراه قال ماشاء الله جالك ولد قال ايه
وراح بشر كل اللي بالاستراحه ودروا الناس كلهم وانا باقي ماطلعوا المشيمه تخيلوا انها الصقت كامل بالرحم ماقدروا يفكونها
ساعتين يحاولون وانا انزف بعدين جت استشاريه سعوديه قالت هذي لاصقه لازم عمليه فورا وتكلمني ترى اذا ماقدرنا نطلعها بنشيل الرحم قلت اوك سووا اي شي
النزيف ذبحني وعطوني بنج كامل ولا صحيت الا الساعه 1بالليل وزوجي عندي وخواتي واخواني يقولون
وش صار لك كانت امورك تمام وتجيني الدكتوره قالت مافكيتها الا بزيت زيتون واقرا المعوذات كانت لاصقه بشكل كامل الله انجاك ونزفتي كثير والحمدلله ماحتاجوا يشيلون الرحم بعدها خلاص انا وخواتي مانعلم الا لين نطلع من غرفه الافاقه ونصحصح مره وحده العين حق انتبهواا لانهم كانوا 3اولاد ورى بعض الله يكفينا شر عين ماتذكر الله