التجمع الثامن لأحلى مواليد شهر يوليو 7 وشهر أغسطس 8

بنات


احس ودي ماافكر بس حلمت كم حلم وارسلتهم لمفسره
تخيلوا وش تفسير كل هالاحلام
الاولى ان عندي مشكله بالحمل وفعلا انا عندي التهابات والدكتوره مخوفتني الله يشافيني ويتمم لي على خير
والثانيه اني بجيب ولد واكدت لي اني حامل بولد
اغلبكم قال بعد ماعرف الجنس انقطعت الاحلام وخلاص
انا مرتين اسوي سونار الاولى قالت احتمال والشهر اللي بعده اكدت لي


يوم الثلاثاء لي موعد سونار مع الحكومي مادري اتوقع ماتقولي بس خلاص هي الفيصل
احترررت فيه بنت يغلطون بها بالسونار ؟؟ ومرتين ؟؟ ماتوقع

نفاس رمضان احسه فلم رعب
يارب مااذوقه :)


بتشوفين فرق جميل باذن الله

كما طولتي بالتاسع كما زاد وزنه
اذا كملتي التاسع اتوقع يطلع 3 كيلوا

الله يغفر لها ويرحمها ياكريم


يازين جمعه الخوات
اصلا النفاس مثل تغيير عن جو بيتك وروتينك

انا مرتاحه بالشقه اللي انافيها بس ابو زوجي ناشب لنا يبينا نسكن قريب منه والمشكله لقينا شقه صغيره مره يالله تكفي بعكس اللي انا فيها وشايله هم لان الشقه اللي انافيها قدام مدرسه بنتي اذا استدعوني اروح لها مشي اماالجديده بعيده مره احتاج سياره لاجل اروح لها قهر ماادري كبار السن كيف يفكرون شيء يحرق القلب ابو زوجي اتعب زوجي بشكل لايطاق صار زوجي يضيق منه المنطقه اللي فيها اهل زوجي مليانه ناس حسودين وفيه منهم عيونهم في زوجي وزوجي محسوود كل اموره معطله والشيخ يقول له اطلع من هالمكان لاجل ينسونك اهلها وتعالج ودوامه بعيد اشيل همه اذا راح للعمل كانه سفر ويبي يستاجر قريب من عمله وابوه رافض وحاكرنا ومحسودين وحالتنا حاله من كثر ماهو متشدد منع زوجي يحج ومانع زوجي يسافر وزوجي نفسيته عدم الان لانه متحمل مسؤوليه اهله وخواته واخوانه مع انهم كبار تعدو الثلاثين و نفس الشيء احس انهم يتمنون موت ابوهم مدري كيف يفكر اول مره اشوف اب يقهر عياله ومايبيهم يرتاحون او يستقرون رحمت زوجي لماقال ببني بيت العمر وقف ابوه بوجهه وقال لا مافيه وقال انا اهم ولماخلص اشغال ابوه بعد سنه رفض ابوه يخلينا نستقر راحمه زوجي لانه بدا يكره ابوه واناانصحه من باب البر والحين مرت ثلاث سنوات مابنينا بيتنا ومتمرمطين بالاجارات بسبب ابوه لانه يدعي عليهم اذا خالفوه يبيهم حوله وهو معذبهم في طفولتهم وحارمهم حنان الاب الان الكل مطنشينه ومايعبرونه الا زوجي واخوه الكبير والطبيب محذر زوجي يقول اذا مااستقريت نفسيا وارتحت بتجيك جلطه دماغيه بس ابوه واهله اتعبوه كره اهله ويغصب نفسه ويهتم بهم لان امه وصته قبل موتها عليهم ليه بعض العوائل تتكل على واحد من عيالهم وش بيضرهم لو تعاونو كل الشباب والله شايله هم كيف باعزل الاغراض ونقل العفش يارب رحمتك بس انا مااكره اهل زوجي بالعكس احبهم واحترم ابوه لانه يحبني بس مايهون علي زوجي لمايفضفض لي انصدم من ابوه واهله ليه يعاملونه كذا وش معنى هو بالذات يعاملونه كذا وانا وبنتي وش ذنبنا نتمرمط بسبب ابوه
اناخليت وضعي معهم رسمي بعد افعالهم في زوجي وحتى ابوه صرت رسميه معه
تصدقون يوم ولدت بنتي كان عمري ١٩ بخاطري اسماء دلع وقف ابوه بوجهي ولان ولادتي صعبه وشفت الموت وقفت بوجهه لانه سمى بناته على خواته وجداته وسمى كل الاسامي اللي بخاطره وجاي بيتحكم في اسم بنتي زعل علي وصرخ علي وانا عاندت لاني كنت بموت بالولاده وخوات زوجي متعقدين من اساميهم وحذروني وزوجي قالي وقفي بوجهه مايقدر يقولك شيء لانك زوجه ولده لماجاء وقت السماوه اتصل علي ابوه وهزئني وزعلت عليه
ولما شاف وجهي خاف وانفجع عرف اني ذقت الموت في ولاده بنتي لذلك عاندته وانااول مره اعانده ويعاتبني وانا مبوزه قلت سميت بناتك على كيفك وكل واحد بيسمي عياله على كيفه وصار ينتقد اسم بنتي بمزح قدام الكل ويقول سمرا على امها قدام اخوان زوجي لماكبرت بنتي وبيضت وصارت ملامحها حلوه صار يتفاخر بها انها طالعه عليهم وصارت غاليه بعينه ويحاول يتقرب منها وبنتي ماعطته وجه ولاتسلم عليه ولاتحبه لانها تشوفه يهزء زوجي فصارت تكرهه لانها تحب ابوها وتكره اللي يهزئه وسبحان الله صارت بنتي نفس وجه زوجي شكله لما كان صغير بس وش نسوي مع ابوه احسه يكره يشوف عياله مستقرين