سافرت وكرهت زوجي

هم كذا بالسفر يبون يأخذون راحتهم انا جاتني الدورة بسفرة كنّا مخططين لها وكان يقولي لايكون وقت دورة قلت لا
ويوم جاء وقت السفر جاتني يووه اكتئاب وحالته حاله كرهني السفرة

مشكوره اختي
هو يتصل كثير فالافضل برسل له محتاجه فتره عشان اتعافى
بسوي التحليل وبقعد عند هلي الين الله يخفف على قلبي

بلاش ترسلي له وسأله زيه زي شخص غريب اتصلي عليه وخليه يسمع صوتك انك فعلاً تعبانه وقوليله ترتاحين عند اهلك كم يوم وبعدين ترجعين بس لا تفتحين مواضيع معاه كلام سريع واعتذر بسرعه عشان ماتاخذين قرار وانتي في هالوضع

طيب حبيبتي حاولي تفهمين جوانب الموضوع وهو ليش سوا كذا لاني مثلك مستغربه
هل هو عادته بالسفر كذا يعني تحسين لين وصلتو هناك دايم يتصدد او اول مره يسويها ؟
هل هو موسوس نظافه بمعنى انو لو جتك انفلونزا بالعاده مايقرب عندك ويتحاشاك وهكذا ؟
او قد سافرتو وكان طبيعي بس هالسفره الي تبدل وضعه ؟
انتي حاولي تحللين الموضوع وتفكرين لين تفهمين هو بالضبط ليش سوا كذا
او هو حاط براسه تتمشون ويمكن حاجز لك مكان مفاجاه بس يوم مرضتي زود تكنسلت خططه وراحت فلوسه ؟
ليتك اجلتي السفره لين تطيبين يعني ماكان بيضرك لو صبرتي اسبوعين لين طبتي وتعافيتي بس مكتوب
وقعدتك عند اهلك خليها بفايده لين رجعتي .. اصدميه بسرعه وقولي انت ليش وقتها تغيرت احوالك وتبدلت
وعاملتني 180 درجه باختلاف ؟ اذا علطول ماعطى رد علطول قوليله انا انصدمت منك مره ومحتاجه فتره ابلع الموضوع
اذا وقت تعبي والوقت الي صدق محتاجتك فيه سويت كذا اجل وش فايدتك بالوقت الي اكون مرتاحه فيه ، اذا مانفعتني وقت مرضي
وش فايدتك وقت صحتي .. المهم زبديله لين يعلمك السبب الحقيقي ، ووقتها قرري قرارك ايا كان دام قلتي بتطلق
يعني افهمني جوانب الموضوع اول عشان تدرين شسالفه

فعلا اختي مرة سافرت وجاها نفس حالتك وكرهت المكان وزوجها واحنا كنا نعتقد انها فعلا تعذبت بالسفرة وطلعت حامل وتوحمت هذيك السفرة