شاركي في النقاش

سجلي الدخول لإضافة تعليق.

التعليقات

63
  1. @ghla_rohy26

    اولا ماعليك من كلام الناس انتي الاولى وام العيال ولك احترامك
    اذا زوجك طيب و مو مقصر مافيها شي روحي ولا كنه صار شي
    بشرط مايجيبها
    اذا انتي ماعندك مقدره وتتاثرين من الكلام راحتك ألزم ماعليك
    شوفي نفسيا وش يريحك
  2. @00aaalmy_algmyl00

    صاحبة الموضوع
    السلام عليكم
    حبيت اشكر كل وحده ردت على موضوعي وكل وحده حسيتها نصحتني من قلب وحاولت تساعدني وتطلعني من حيرتي اللي انا فيها

    بس للاسف انا احترت اكثر في اللي تقول روحي وفي اللي قالت لا تروحي وفي بعض الردوود فعلا استوقفتني وفتحت عيني على اشياء كانت غايبه عني

    يمكن لاني في الوضع اللي انا فيه من غيره وقهر جعلتني لا اعرف طريق الصواب فلجأت لكم بعد الله لنصحي وارشادي لاني فعلا محتاره

    اهم شي بقولكم عن زوجي شوي

    زوجي بعد ماتزوج علي راضاني وجاب لي طقم

    وقالي بالحرف الواحد بعد زواجه بكم شهر (انا ندمان وحاس نفسي ورطت ابي منك تساعديني وتوقفين معي وانا محتاجك هذه الفتره وهذه كانت نزوه) بس ماادري ليش مو مصدقه ولا كلمه

    وهو موظف بسيط بس ماشاءالله تبارك الله عصامي بنى نفسه بنفسه وصار عنده خير وكل حلاله في ديرته ولمن شافني مصممة على عدم الروحه قال بكيفك انتي الخسرانه
    وبعدها سكت وماجاب طاري ..وهو من النوع الكتوم ولا يتكلم في الموضوع كثير اي موضوع يتقفل بينا مايفتحه مره ثانيه
    وغامض جدا على قد ماكنت اعرف زوجي بس الان صار غامض مااعرف كيف يفكر
    ومره ثانيه حبيت اشكركم وجزاكم الله كل خير


    الاخت سلسبيل ...
    في البدايه كان مصر وكنت اقول بيني وبين نفسي يبي يثبت لاهله انه مبسوط في حياته واني راضيه ومقتنعه كان هذا تفكيري واعتقد انه صح لانه كان حريص اني مااسمع لاحد
    اما اذا كان قصدك شي ثاني اعذريني ماوصلت رسالتك الدماغ مشوش من كثر التفكير
  3. @ktha_bs

    روحي وتونسي مدام ماتتقابلو
    راضية مو راضية هذاماعاد له معنى هيه الزواجة تمت هالكلام ماراح يقدم ولا يأخر
    فكري بعقلك وخلك ع نظامك ولاشي يكسرك او يغير فيك
    بالتوفيق
  4. @algthab_9

    بعض الردود يقولو انّ روحي عشان لا يقضي اجازته مع الثانية
    نسيتو انّ هي عندها بيت؟
    يعني عادي يمكن يقسم بينهم يوم عند الاولى ويوم عند بيت الثانية!
    والحين وش استفادت
    راحت بيت نامت فيه الثانية و عارفه وش صار فيه بتحس بقهر و طفش واهل زوج مامنهم فايدة

تابعي تجارب أخرى من هذا القسم.