جنون المشاغل !

السلام عليكم
بكتب لكم مشكلتي وياليت احد يقدر يساعدني
كلنا ندخل الانستقرام ونشوف المصممات السعوديات
وكيف جننونهم بأسعار الفساتين ، من رأيي هي مصممه وصممت وتعبت وجابت القماش وحطت حقه 3000 او اكثر بشوي او اقل ، انا اعتبر هالسعر حقها لانه بالنهايه جهدها وتصميمها .
بس انا لما اروح اشتري القماش واصمم الموديل لنفسي ويكون ناعم مافيه اي شك او اي تطريز بس موديله بقماشه وحتى القماش مافيه اي خرز او لولو او شك
واروح لها واقولها بكم تخيطين لي هالموديل ، وهالقماش هذا هو جبته تقول لي الخياطه ب 1300 والثانيه تقول لي ب 2000
خير ان شاء الله ؟؟؟؟
خياطه ماكسي وشوي زم تقول لي ب 2000 ؟؟؟
صح شغلها نظيف ومرتب ومضمون بس مو لهالدرجه اللعب بعقول الناس عاد ،
استفساري هل تعرفون مشاغل خياطتها حلوه واسعارهم معقوله ؟
حتى لو خياط بنقالي عادي ماعندي مشكله بس خياطته حلوه وسعر معقووول ياناس بحدود المعقول
الي عندها ياليت تكتب لي وصفه او اسمه او اي مخرج
طبعا اتكلم بحدود الرياض والقصيم
والله يجزاها خير اللي تفك لي ازمتي ويرزقها اللي تتمناه

9 تعليق 936 مشاهدة

شاركي في النقاش

سجلي الدخول لإضافة تعليق.

التعليقات

9
  1. @ragy_alfrdos_22

    السلام عليكم ورحمة الله وبركاته
    والله ياغالية عندنا بالمدينة نفس الحالة واللي اكتشفته انهم يشوفو القماش ان كان غالي خيطوه لك بنفس السعر يعني اذا القماش بالف خيط لك ب1000 وهو شوال وبس
    الله المستعان
  2. بصراحه اسعار خياليه ومو كل البنات موظفين وعندهم المادة ،الله المستعان
  3. صاحبة الموضوع
    راجية, الفردوس
    السلام عليكم ورحمة الله وبركاته والله ياغالية عندنا بالمدينة نفس الحالة واللي اكتشفته انهم يشوفو القماش ان كان غالي خيطوه لك بنفس السعر يعني اذا القماش بالف خيط لك ب1000 وهو شوال وبس الله المستعان
    لا حول الله
    حتى عندكم بعد
    الي عندنا ياليتها تسأل عن القماش
    بس ادخل اقولها بكم تفصلون على طول تقول لي اقل شي نفصل ب 2000

تابعي تجارب أخرى من هذا القسم.