🍼🐣التجمع الـ ( 12) لأمهات مواليد مايـ..5..ـو & يـونيـ..6..ـو🐣🍼2016

خزامى الميزانيه تختلف من وحده لوحده ع حسب لو نفاسها لحال ف منطقه بعيده محد حولها ولا وسط اهلها وبتسوي نفاس ف بيتها ولا بيت اهلها ولا ماراح تسوي نفاس خير شر ،،


والي عندها لسى حق اغراض المولود الي قبل ونفس جنس الجنين والي بكريه طبعا يختلف يكون ماعندها ولاشيء ،،


ف بالنسبه ليا لو كان المولود ولد كان صرفت اكثر ، بس عشانها بنوته ف وفرت تقريبا 60٪‏ ..


والاغراض الي ليا من قمصان نفاس وكدا اغلبها عندي بس جبتلي حق بيت كم بجامه ب ازرار من قدام وروب ..


وعندي سرير بنتي وهزازها ومشايتها وعربيتين وحده الكبيره الثقيله << مااحبها 😢، والثانيه الخفيفه اسمها عربيات السفر بس ماتنفع الا لبيبي يجلس يعني تقريبا 8 شهور وفوق ..


وشنطتين حق البيبي وحده وردي ووحده بني وبيج مااستهلكتهم والي هريتها اشيلها سنتين خرجتها خلاص ..


وملابس بنتي النظيفه محتفظه فيها وكل اجهزة البيبي عندي من ايام بنتي ، انا من النوع الي احب احتفظ الا لو شيء مكسر ومعدوم اخرجه وطبعا عشاني احب احتفظ ف عفشي كثير ف البيت وهذا الشيء يسبب ضيقه ، ف الين دا اليوم وانا لسى عندي عفش ف بيت اهلي << عفوشه 🙊..




ف بكريتي صرفت كثير بس مو كلهم قبل الولاده الصرفيه كانت تقريبا الين عمرها سنه ونص وبعدين وقفت ، طبعا فيه اشياء كثرت بزياده وندمت بس ماكنت اعرف وفيه اشياء اشتريتها ومااستخدمتها ف دحين لااختها ان شاء الله ..




وطبعا 60٪‏ ‏ من اغراض بكريتي مااشتريتها مع زوجي لانه الرجال يشوفوا كل شيء ماله داعي .. بس يحسبوا لبس ورضاعه وانتهينا لمن اقوله مهاد يقول ماله داعي خلاص كوفله وطاقيه وبس ك مثال 😊..

الله يسعدكم ع الشرح ايه اعرف فكرة ستيانة الرضاعه عندي من حق بنتي اثنين من واحة الجلاابيه بس كانت بدون اسفنج ف فرحت ع بالي ف شيء يكبر الصدر 😂 زي الستيانات العاديه ..

ماشاء الله تبارك الله ع البركة المشتروات الحلللللوة أم أصيل يتهنى فيها تيمو يارب💕

سبحان الله أخذت نفس الإسفنجة قبل أمس ☺وفعلاً تحمست لها لما قريت صناعة إيطالية وأخذت نفس الحافظة عجبتني حركة الغطاء على جنب لما شفت أغراض كيوت الله يسعدها وانا حق بنتي كان الغطاء من فوق عادي بس هذي حركتها حلوة وكمان أخذت ثلاجة صغيرة كمان حق الطلعات زيها زرقاء ورضاعة ايفنت الزجاج بس ماحصلت التلبيسه
بس اللهايات ما اخذت صراحة ترددت لان عيالي مايقبلوها والله أعلم وأخذت فرشاة شعر ومشط تجي مع بعض زي حقك ☺انا زيك مأخذت مجموعة الا في البكر وبعدها صرت آخذ اللي احتاجه بس
واخذت من الصيدلية قطن بس ماعاد كفت الفلوس وقلت كفايه
احتمال أجيب شامبو سيباميد للبيبي موستيلا جداً غالي قاروته في ال70ريال 😳بينما سيباميد الصغيرة ب30 ريال وكمان احب ريحة سيباميد
الله ييسرها يارب

بإذن الله سيباميد جربته 3 مرات مع بناتي وتعجبني ريحته

سبحان الله أول مره أشوف سنتيانات الرضاعة ☺
الله يجزاك خير وتتهني فيها يآرب بس لازم أرسل لأني مره ما أروح ستي ماكس وان رحت السوق أنسى أدخله😳