سافرت وكرهت زوجي

الحي ابغى اعرف طلعتي حامل او لا؟
ثانيا ما اشوف الموضوع يستاهل كل هالزعل.

طلعتي حامل؟؟؟

يختي طبيعي مايجيب لك دكتور
اذا صرتي بعافيتك رحتي عنده واذا تعبتي شالوك اهلك
خلاص تعود
مايبيك تجينه وانتي تعبانه بس يبي يشوفك وانتي بصحتك وعافيتك وهو لو يجيه صداع تقولين جته ولاده من الافلام اللي يسويه وياويلك تقولين له رح لاهلك
الشي الثاني سالفة ارمي عليه فلوسه ومااعطاني وماطلبت علشان مايحسبني ماديه !!!! ودي اذبحك صراحه مريحته على الاخر
قولي ابي علاج وابي مصروف وابيك توديني المستشفى وابي وابي ولا تبررين ان صرافتك انسحبت هو المسئول عنك بكل شي مرض مصروف تمشيه

حللي اول واذا مو حامل
فاعذريني زي ماقالت اختك سبب تافه جدا وسخيف
طيب انتي باقي في تعبك واصريتي تروحين ولارفض ماقصر وداك وجلس يكمدك
مبالغه معليش انه ليه ماطلب لي دكتور طيب ماقصر كمدك وخذتي ادويتك والحمد لله لو تحسنتي زين على زين
ماتحسنتي بيطل بلك دكتور اليوم الثاني ،ماتدرين وش نيته ؟ماكملتي يومك رجعتي
وسالفه الطياره ابد مافيها شي
قلتي جنبه رجال ويمكن مايبي صوتك يطلع عندهم
والله ان فيه رجال يقول كثر ماتتدلع زوجتي وتتغنج بالكلام استحي احد يسمعها لكن لو صرنا لوحدنا ياسلام انبسط
ومن ناحية بخيل ،البخيل مايفكر يسافر بزوجته ابد
ومو عشانه ماطلب دكتور طلع بخيل يمكن تفكيره غير
يكفيني احتوائه وحنيته
وسالفة انه راح مع الجهه الثانيه فالصف عادي جدا ياما طلعت قبل زوجي والا طلع قبلي
المكان يصير مزحوم وكل واحد يلصق فالثاني يبي يطلع من الطياره ماراح يوقف ويقول اصبرو الين تجي زوجتي لاتمشون ،،،شي مايستحق الزعل ابدا ولاتخسرينه ويمل من اطباعك
ومعروف قبل الدوره الحرمه تكون حساسه جداااا بس ماتوصل اني كرهته وطلاق ومدري ايش 💔
والصرافه مايبي يشغلك فيها وانتي تعبانه
يمكن لو قال صرافتك وتكلم فيها قلتي ماتقدر اني تعبانه ولااتحمل احد يذكرني فيها والا يضايقني بشي
خذتي فكره ان الرجال سوى وخداعين ولايفكرون باحد ولاقدرتي تشوفين ايجابياته
اعذريني على كلامي بس بغيت اوصلك الفكره
واخر شي حللي تاكدي