زوجي يهددني بالضرب ...................؟!

انا نفس حكايتك وتو من ساعتين تخانقنا ع شي بسيط ويقول ابعدي لا اقوم اضربك جنني بتهدديده ب الضرب كم مره يهدد واذ هدد اقول انت جرب بس شوف شو يحصلك واليوم يهدد بعد وفعلا هو كم مره بيظرب بس امسك يديه واتحايل فيه فكرت ي بنات استقل بغرفه لوحدي يمكن يتوب عن حركاته فقط اغسل ملابسه واكله شورن علي حل الاستقلال بغرفه لما يتوب شي طيب والا لا ومن جربت الاستقلال بعيد الشر عنكم

اللي تمرين فيه طبيعي يحصل بين اغلب المتزوجين في بداية الزواج

اثنينكم من بيئة وتربية مختلفه وكل شخص فيكم له اطباع واسلوب مختلف محتاجين وقت عشان تتأقلمون على بعض وتوصلون لنقطة التقاء ويصير كل شخص يتنازل عن شي عشان الطرف الثاني

وما اقصد تتنازلين عن كرامتك او شموخك لالا ، مثلاً المكيف بدال ماتطلبين منه يخففه انتي البسي ثقيل هذا يعتبر تنازل وتأقلم وعيشه مشتركه وقيسي عليه باقي الامور


و لا تكثرين كلام عن اهلك وتقارنينهم فيه كذا تحسسينه انه رجال سيء واقل منك وكأنك تتكبرين عليه وربما تدفعينه يغار منهم ويكرههم بدون سبب

المطلوب منك حالياً تفهمين انك في بيت زوجك ولستي في بيت اهلك

يعني انتي وزوجك تأسسون لكم بيت واسره بعيداً عن اهاليكم ، ومحتاجين على الاقل سنه الى خمس سنوات عشان تفهمون بعض تمام المعرفه وتتأقلمون ويصير بينكم موده ورحمه

مو مثل الحين الوضع بينكم فرد عضلات وشخصيه يعني كل واحد يبي كلمته تمشي ويسيطر ومايصير الا الشي اللي يبيه وعلى مزاجه وبالعناد

الله يشرح صدرك وييسر امرك

يا اختي غلطانه تتركين غرفتك وتجلسين لحالك
طيب اسألي نفسك الى متى تجلسين بغرفه لحالك ؟ الى ان يبحث عن بديل بالحرام ؟
والى متى التصادم والخصام على اي شي مع زوجك ؟ وش مستفيده يوم انك تتواجهين معه باليد ؟
وترى الهروب والاستقلال ليس حل للمشاكل لانك زوجته ولستي صاحبته
صيحه ابحثي عن حلول مثلاً اذا هو شد معك بالكلام انتي ارخي وصيري لينه واستغبي وتغافلي عن التوافه
واذا شفتي انك تنرفزتي او عصبتي اصمتي وتنفسي واذكري الله واطلعي من المكان سريع اما توضي او تمددي او امشي وهذا توجيه نبينا الكريم عليه افضل الصلاة والسلام عند الغضب تغيرين وضعك او مكانك لان الشيطان الرجيم يحضر بينكم ليفرق شملكم
واتوقع لو تجلسين لوحدك تفكرين اذا السالفه تستاهل الخصام او العناد ومواجهة زوجك باليد ورفع الصوت بتشوفين انها ماتسوى وعيب
نصيحه صححي وضعك لا تخلينه يتعود يتعامل معك كذا ، عوديه اذا في مشاكل وخلافات نهدأ ثم نناقشها بالود والاحترام كأشخاص ناضجين

بيئات مختلفه وشخصيات غير يبيلكم وقت عشان تفهمون بعض
اما الموضوع اللي ماتسكتين عنه هو سالفة الضرب
استغلي وقت تكونون رايقين وافتحي الموضوع معه وقوليله وش كثر تضايقك هالكلمه حتى لو كانت مزح
وتطلبينه ان اذا بحبك مايذكرها قدامك