🍼🐣التجمع الـ ( 12) لأمهات مواليد مايـ..5..ـو & يـونيـ..6..ـو🐣🍼2016

عندي حساب مع ارامكس صندوق بريدي في امريكا و ادخل اي موقع امريكي و اضع عنوان الصندوق البريدي و اشتريه بالكريديت كارد و همه في امريكا يرسلونه لعنوانك الامريكي الخاص بارامكس و ارامكس توصله لك للبيت ،، تدفعي اكيد شحن في امريكا و من امريكا للبيتك ، لكن انا من عشاق المنتجات و السوق الامريكي و كمان احب اتسوق من النت ، اسم خدمة ارامكس shop and ship ، تقدري تبحثي عن خدماتهم و اسعارهم على موقعهم بنفس الاسم 😊👍🏼 و على فكرة تقدري ايضا معاهم تاخذي صندوق بريدي في لندن للمواقع الانجليزية 😁

اذكر وعمر بنتي 5 ايام كان عندي موعد لها لتخريم اذنها ومنها تكشف عليها الدكتوره ف جيت اسالها ايش افضل حليب للاطفال طالعت فيا كدا بنظره قويه وقالتلي بنتك بقره ! ، قولتلها لا وي قالت طيب وليش تبغي تعطيها حليب بقر ، والي خلاني ادخل الصناعي الي حولي اهلي وزوجي وكدا انه يحسوها ماتشبع وتدخلوا بس دي المره ان شاء الله بحط حد لهم ..




وان شاء الله ربي يقدرنا ويقوينا ونقدر نرضع طبيعي سنتين كامله بدون ماندخل الصناعي ..

شوفوا ياكروشات هذا الأسرة بعد ما الطفل يكبر يتحول لسرير عادي عجبتني فكرة واقتصادية نوعا ما😊

الثاني رضعته 6 شهور ووقفت لاني ابغا اعالج اسناني وابغا بنج قوي وللاسف ماكنت ادري ان بنج الاسنان مايأثر ع الرضاعه ذا كلام استشاريه الرضاعه
للعلم كنت وقتها طالبه بالجامعه
ارضعه الصباح قبل امشي وانا بالجامعه ياخذ صناعي
عند الناس اعطيه رضعه صناعي او يانسون ونادر مااروح عزايم وكذا
اما عند اهلي وخالاتي واهل زوجي اخذ راحتي بالرضاعه يعني اغطي صدري وارضع عادي
طبعا تعبت مع ولدي لانو مااتقبل الصناعي
اما بالسيارة لو نروح مشوار او بوديه المستشفى اجهز رضعة يانسون

بنات بخصوص الرضاعة الطبيعية او الصناعي 🍼🍼🍼 ،، انا بولدي من اول يوم قررت اعوده على الاثنين .. طول اليوم رضاعة طبيعية و بالليل رضعة صناعي ( اول اسبوعين كنت استخدم سيميلاك جاب لابني امساك و مغص غير طبيعي 😒 فغيرته لنوفولاك و كان رائع و ممتاز 👍🏼 و جربت اعطيه نان ابدا ما تقبله وقتها ) .. و كنت استخدم شفاط ماديلا ممتاز 💯 ، حتى كنت اخذ راحتي في النوم او في الحمام اشفط و اخلي احد من البيت يعطيه الرضعة ، لذلك انا استهلكت الرضاعات ( انا استخدم دكتور براون ) .. و جلست ارضعه ست شهور على هذا الوضع و بعدها انا فطمته من الطبيعي من نفسي ،،اولا لدواعي السفر و ثانيا كنت اخطط احمل لكن ربنا ما اراد الا في هذا الوقت 😇