السلام عليكم
من شهرين تقريبا تغير كل شي في حياتي صارت حياتي كلها نكد ومشاكل ماصرت احس بطعم الراحة ولا الرضا في اي شي في حياتي والسبب خيانة زوجي لي
من شهرين زوجي اتعرف على وحده اتصلت عليه تبي خدمة في مجال شغله وطبعا الزباله شبكت مع زوجي وبدأت العلاقه الي دمرت كل شي حلو بحياتي
حياتي كانت جدا رائعة مع زوجي زوجي يحبني ومو مقصر معي في شي من شهرين انقلبت حياتي لجحيم لما فتحت جواله وشفت رسايل الواتساب وكلام حب وغزل انجنيت انا ماكنت ابي زوجي يعرف اني فتحت جواله بس بالصدفه دخلت الزباله الي يكلمها وشافتني متصله وارسلت انا على طول طلعت طبعا اليوم الثاني قالتله وعرف زوجي انه انا فتحت جواله ورجع من دوامه وتصايحت معه واعترفلي بكل وقاحه انه يكلمها وانه يكلم عشان يتزوج طبعا انا جلست ابكي واصيح وهوه يقولي مين قلك تفتحي جوالي بعدها جلست كم يوم في نكد الين جا واعتذر ووعدني انه يتركها وطبعا كله كذب الان مرت شهرين على الحكاية ولا زال يكلمها حصلت احداث كثير خلال هالشهرين مشاكل ومخاصمات ومضاربات وصلت للطلاق وانا في الاخير اهدي واقول راح ينتهي كل شي ويرجعلي زوجي بس الان كبر الوضع اكبر لدرجة زوجي ماصار طايقني ولا يبغى يقرب مني بعد ماكان يجري وراي بنات قالوا لي ايش اسوي والله حالتي مايعلم فيها الا ربي....
شاركي في النقاش
سجلي الدخول لإضافة تعليق.
التعليقات
80- الله يفرج همك ويعينك انا اقول طنشيه ولا تناقشينه بالموضوع ولا تقربين جواله خليه يرجع من نفسه مافي حل غيره يعني بتجاكرينه وهوايش يتعلق فيها اكثررر تصير ملاك في عينه ف انتي خليه عشان يحن لك ويشتاق ويرجع من نفسه
- لا تخليه يكمل بالعلاقه الحرام ذي !!
الحقد والحسد كثثثر بشكل مو طبيعي ما تدري اذا كانت مكيده فقط اولا
عليك بالصلاه والدعاء وطنشيه وقولي له كلمه
ربي ما بيوفقك دامك ماشي بطريق الحرام لو مو حبي لك ما ابعده عنك
وطنشيه بعدهها عشان لا تصيري الحرمه الزنانه والنكديه وعيشي لنفسك وبيرجعلك
والله يسخره لك يارب - خوذي رقمها شرشحيها جيبي اهلها افضحيها مو جالسه تفرجين ....واهم شي رضاءالله
- آه الله يفرج همك وهمي انا عند اهلي زعلانه من زوجي بنفس السبب والمشكله شايف نفسه مو غلطان
احبه وهو يحبني. لا تخليه يكمل بالعلاقه الحرام ذي !! الحقد والحسد كثثثر بشكل مو طبيعي ما تدري اذا كانت مكيده فقط اولا عليك بالصلاه والدعاء وطنشيه وقولي له كلمه ربي ما بيوفقك دامك ماشي بطريق الحرام لو مو حبي لك ما ابعده عنك وطنشيه بعدهها عشان لا تصيري ال…
كلامك غلط الي تدخل معاها بهذي الطريقه الرخيصه نيتها مو زينه هذي اسمها خرابت بيوت مو وحده تبغى الستر بس
مواضيع مشابهة
تابعي تجارب أخرى من هذا القسم.