شاركي في النقاش

سجلي الدخول لإضافة تعليق.

التعليقات

28
  1. صاحبة الموضوع
    مابقى شي الله يسعدك ويوفقك ع ها الدعوه الحلوه وانتو خواتي اتمنى لكم كل خير مثل ما اتمناه لنفسي والله يسعدكم ويحققق لكم كل الي تتمنونه انه ع ذالك قادر
  2. @am_alhloyyyyn90

    موزه المُزه
    الله يسعد كل مانردت ع موضوعي وابشري يام الحلوين راح ادعيلها والله يفرج همها وخلي اختك تحافظ ع السنه القبليه يعني اذا اذن الظهر ع طول تقوم وتصلي ركعتين ركعتين وبعدين تدعي وهي ساجده بكل الي في خاطرها تشكي حالها لربها وتبكي وتذلل ربي ارحم الر…
    جزاك الله خير
  3. @royd_6

    انا لم كان زوجي ودي يسافر هو واصحابه
    وبالتحديد دبي وتلك الأيام كان عصبي علي وكان ينفخ على أي شي
    حقيقي بس عشان اقلك كيف رحمة الله بالإنسان وأنه ربنا قريب منا وبيستجيب دعواتنا بس احنا منا مقصرين ف عبادتنا له سبحانه
    كنت أقول ف نفسي يبي يسافر ومع أصحابه وانا اقعد لحالي هنا يوديني بيت اهلي ايش بيقولو زوجته ليه م يسفرها واحنا ديك الايام كان يعتبر بداية حياتنا تاني سنه زواج وانا م سبق سافرت للخارج كان ودي أسافر بلا أصحابه وكنت اقول ما بيروح إلا دبي ايش فيها؟؟ كلها فساد × فساد لا طبيعية و لا خضرة كنت مزعجه من هذا كله وفوق دا كله كمان كان زوجي ينفخ عل اتفه شي ويعصب من لاشي عشان يبي السفره تتم بسرعه يعني باختصار كنت ف وضع مظلوم ولهذه للأسباب ولأني أيضا ف تلك الأيام بالذات كنت قريبه من الله كنت أضع سماعة الجوال اسمع القرآن باستمرار
    والله اني دعوت دعوة انه م يسافر وقلت ((اللهم باعد بين زوجي و بين السفر كما باعدت ما بين المشرق والمغرب بحولك وقدرتك ي قوي يا عزيز)) وقته وانا ابكي من قلب وكنت ادعي ف كل وقت تقريبا وصادف انه يوم وانا ادعي شفت فيلم قصير لدبي عن الحياة هناك شوفت أنواع الفساد عندهم وصرت كمان ادعي عل البلد انه يحصل فيها شي وتخرب سفرة زوجي من كل جهه وفعلا بعد أن أتم كل شي وقرب موعد سفرهم خربت سفرهم كانو هم بحدود 3 أشخاص زوجي الرابع
    تخيلو ي اخواتي كل واحد فيهم طلع له شغله هامه ف يوم سفرهم والغو الحجز ولحد اليوم لي سنتين وأكثر م سافر وياهم
    طبعا وقتها رجع زعلان يقول أنا مستغرب كيف حصل كدا احنا خلاص زبطناااااا كل شي من أوراق وجواز وإجازة والحجز كان ميه ميه !!
    طبعا بعد كدا تأكد انه ارادة الله فوق إرادتهم ولا ادري كيف حس اني دعيت عليهم بخرب السفر قال أنا أحس انك ورا دا الشي وف النهاية اعترفت له وقلت له انا م ودي تسافر وتتركني
    الشاهد مو هنا وبس 😂 الشاهد انه بعد م خربت سفرهم حدث وكان زوجي جالس قدام التلفزيون يسمع أخبار شوي اسمعه ينادي يقول ي بوي ويش دا لا لا تعالي تعالي مو معقول انتي ايش سويتي ف العالم؟
    جيت متعجبه اقله خير قال شوفي اسمعي
    وكان الخبر يقول انه فيه عاصفة رمليه شدييييده عل دبي وأنه سببت دمار شامل للمنشآت وأنه وقفو الحجز والطيران 😲 والله ي أخوات انا كدا😰
    قال زوجي بعدها ايش هوا دا دعوتك وصلت للإمارات الله أكبر عليك😂 خلاص م عد فيه سفر ما عد اسافر إلا وانتي معي رعبتيني طلعتي مو هينه والله ربي معاكي😂😂😂

تابعي تجارب أخرى من هذا القسم.