شاركي في النقاش

سجلي الدخول لإضافة تعليق.

التعليقات

2,005
  1. @good999

    روز وأم اصيل
    رسلت لأختي فالواتس استناها ترد وأخبركم من فين أخذته وسعره وطريقة تركيبه ونوعه
  2. ^Ro0oZ^
    ساندرا ي عمري ربي يوفقك ويسهل عليكي انتي ساكنه ف شمال امريكا صح ؟؟ صحبتي الي احكيك عنها كانت ف ولاية تكساس في مدينة دالس وابرد شيء وصل عندهم تقريبا بداية تحت الصفر ع 3 كدا بس لمن كنتي تقولي 30 تحت الصفر قولت اكيد انها ف الشمال ربي يعينك…
    انا ساكنة في east midwest 😁😅 ( الملحقية كاتبة لي كذا ) ولاية تكساس حسب ما اسمع انها ما تبرد كثير هذا والله اعلم ..

    امين ويوفق الجميع ..
    ايوه سمعت وقرأت كثير انها موجودة من زمان في امريكا حتى كانت في مساعدة مع الدكتورة وقالت لي انها من انتاجات ابرة الظهر ..
    وزي ما قلتي لها سلبيات واحتمال اللي يسير عليكي ما يسير لغيرك ..
    دكتورتي ما قالت بالصريح لا تاخذيها بس قالت تخيلي نحنا نمنعك من كل الادوية واخر لحظة نعطيكي دواء قوي زي ابرة الظهر وفي اخطر مكان حسب ما قرات الابرة تعطى في النخاع الشوكي وأي غلطة ممكن لها مضاعفات كثيرة وخطيرة ..
    وحدة من البنات اللي قابلتها تقول جلست رجلها منملة حدود شهر والصداع جلس معاها فترة طويلة لما سالتها تفكري تاخذيها لو كنت ولادة قالت ابداً الم ساعة ولا الم شهر .
    وي عسل ما تدري امكن تعير التامين خير لكي ويكفيكي شر امور انتي بغنى عنها كان ممكن تحصلك في المستشفى الاولى .
    قولي الحمد لله على عطاءه ورضاه وان شاء الله ربي ييسر لك الامور ويهديكي للاصوب الامور وكمان يا رب ما يحوجك للابرة.
  3. فوفي123
    سلام ايش ايش ايش ليش السلبيه في ابرة الظهر والله ماجننا الا كلمة يقولون اتحدى اللي قالت تكون جربتها يابنات ماعاد فيه في العمليات الا النصفي يعني ابرة ظهر وهي رحمه من الله سبحانه اجل ناخذ البنج الكامل الموت بعينه الله لايحوجنا له والول…
    ي عسل ليه الاسلوب ده ..
    انا ما قلت لا تاخذوها خطرة قلت ( دكتورتي حسيت انها ما تنصح بها ) صحباتي اللي مجربينها في منهم قالو ما يبغوها ..
    البنات اللي هنا اللي معتبرتهم يقولو وما جربو صعب اعتبرهم كذابين لان ما في شيء يحوج انهم يكذبوا ..
    والشيء الثاني اثر اي شيء يدخل في اجسامنا يختلف من شخص لاخر فيه منهم قالو تسبب صداع ومنهم ما قدروا يدفعوا ومنهم ظهرهم بيالمهم ..
    وبالنسبة لكلامك عن مكان الابرة يجلس فترة يالم للمعلومية يعتمد احيانا ع اللي بتعطيكي الابرة قبل كم اسبوع كان عندي تحليل سكر واجراته انه اربعة ابر بمعدل ابرة في كل ساعة ولله الحمد من قبل ومن بعد ما في اي الم ولا اثر للابرة في السعودية عمري ما سويت تحليل او اعطوني ابرة الا ومكانها ملون وتعورني ..
    المعنى من كلامي تجربتك مو شرط نتائجها تنطبق على غيرك و الدكتور له دور كبير بعد الله في نجاح اي عملية او اجراء طبي .
  4. ام رهف81
    🌹🌹🌹🌹❤❤❤شكرًا كتير لكل الردو علي🌹🌹🌹❤❤❤ ساندرا فعلا كلامك صحيح،شفت في برنامج طبي استشاري اطفال يقول لا تدخلو الصناعي ابدا في الشهور الاول مع الرضاعة الطبيعية لان الحليب الصناعي فيه سكر فيصير حلو للبيبي و يتقبل طعمه وبعد فترة يرفض ال…
    بجد الحين احسهم مررة بيحاولو يشجعوا على الرضاعة الطبيعية وللمعلومية امريكا عندهم بنك للحليب الطبيعي ( في حريم يشفطو الحليب ويودوه لدي المراكز يستفيد منها الاطفال ) زي بنك الدم عندنا في السعودية .
    بس موضوع بنك الحليب سبب لي قلق ( هل في المستشفى بعد الولادة يقدمو حليب معبا زي السعودية واذا نعم هل هو من مصدر انساني لان اتوقع لو استخدمته بيطلع للبيبي اخوان واخوات بالرضاعة مو معروفين ) << تفكير مدري ايش يبى 😅😅😅

تابعي تجارب أخرى من هذا القسم.