السلام عليكم ورحمه الله وبركاته
كيفكم عرايس وكيف التجهيز معكم
دخلت القسم وشفت موضوعكم تذكرت الماضي الجميل
انا من عرايس السنه اللي راحت لسع ماكملت سنه كامله ^ـ^
حبيت اعطيكم كم نصيحه ان شاء الله تستفيدون منها
اولا : استمتعي بكل لحظه من التجهيز مهما كان متعب وكنتي كارهه نفسك بعدين بتكون لحظات حلوه بتندمين انك نكدتي على نفسك بسبب لبس او اكسسوار او او او
ثانيا : اذا زواجك باقي عليه فتره نصييييييييييحه لوجهه الله سوي ليزر اذا ماعندك ميزانيه سوي بس لمنطقه الابط والمنطقه الحساسه يكفي احساس الثقه والانوثه واذا ماتقدرين نهائيا على العياده خذي لك ليزر منزلي نتائجه بطيئه شوي لكن تستاهل .. واذا مافي ميزانيه استخدمي زيت الزيتون بعد كل مره تستخدمين فيها الموس بس لايجي عليه قطره مويه عشان يسمر الزيت مع المويه او استخدمي الترمس المر جمييل لكن يحتاج فتره وطبعا النتيجه تختلف من بنت لثانيه
ثالثا: حاولي قد ماتقدرين تكوني مخلصه كل شي قبل زواجك بشهر واذا مره مره انضغطي اسبوعين قبل الزواج خليها رااااحه لك واهتمام ودلع
رابعا : لاتهتمين لركب او اكواع او اسمرار الرجال اغلبهم ماينتبهون او بالاصح مايهتمون طبعا كلامي مو معناه ان تهملين العنايه لاااا اهتمي واعتني عشان تكوني مرتاحه انتي لكن قصدي هذي امور ثانويه مو مهمه زي النظافه والريحه الحلوه والاخلاق
خامسا : اذا تعانين من مشاكل بشره شعر اسنان معده عالجيها من بدررررري خصوصا الاسنان والمعده لإنها بتطلع لك روايح غير مستحبه
سادسا : المهر مو ضروري تحللين كل ريال فيه لا ابد اول ماتستلمين المهر خذي لك الف او اقل شي 500 وحطيها بمكان ممكن بعدين تحتاجينها بعدين جيبي دفتر واكتبي فيه كل شي تحتاجينه حتي الابره اكتبيها ووابدي سوي الحجوزات كلها من الالف للياء وخلصي فستان الزواج وكل ملحقاته والزفه والكوشه الحنايه والكوفيره يعني كل شي تحتاجينه ليوم الزواج احجزيه وريحه نفسك
سابعا :اهتمي بالترطيب حتي لو كنتي كسووووووله ومافيك للاهتمام الترطيب اهم شي لاتهملينه ابداااا لإن اساس المشاكل جفاف الجسم .. سوي لك جدول تستمرين عليه ولاتهملينه واهتمي بالغذاء والموووويه اشربي اقل شي 8 اكواب باليوم وزعيها بعد كل صلاه كوب و3 اكواب وزعيها على طول اليوم
كلامي ملخبط معليش لكن اي شي يجي ببالي كتبته ربي يوفقكم ي عرايس
`·.¸¸.·¯`··._.· ✿ ❤ ♡ أحبابي هنوني يوم عرسي قرب تجمع عرايس 2015♡ ❤ ✿ `·.¸¸.·¯`··._.·
متابعة النقاش، صفحة 71