ادعي عند الكعبة على انسانة جرحتني وتسبب بتعبي النفسي

ليش وش دخل حريم اخوانك وبنات خالاتك حاضرين الشوفة!!!!

الله يجعل مااصابك نسيآ منسيا
ويجعله برد وسلام عليك
ماتستاهل تشغلي تفكيرك ولسانك فيها
وتاكدي الدنيا دواره
والله حاسه فيك وضااااااق صدري حيل حيل حيل عليك
موقفك اجتمع فيه اشياء كثيره
بس تذكري كلمتها مابتتعداها
خلاص لاتدعين عليها
وانسسسيها اهم شي نفسيتك وحملك
ادعي ربك ينسيك اللي سمعتيه
ويباركلك في زوجك وذريتك
الله كشف اخلاقهم قدامك وصرفك عنهم
وتذكري والاخرة خيرٌ وأبقى
الله يعطيك من خير الدنيا والأخره حتى يرضى عنك ويرضيك
دعواتي لك بسعادة الدارين

معاها..


كيف تدخلين على الولد وأمه كونت رأيها مسبقا ووممكن تأثر عليه..

عموما هو ماضي وراح ومادام دعيتي عليها كل هالدعاوي وبكل وقت فأنتي أخذتي حقك منها..

كان اكتفيتي بحسبي الله ونعم الوكيل وربي حسبك وكفيلك..

خلاص أنت متزوجة الآن الحمدلله فكري بحاضرك ومستقبلك

بالتوفيق لك....

لا تزيد بك ثم تفرطين بالدعاء ويرجع عليك بتكلم معاك بالمنطق :
- استغرب من اللي تصف زوجات اخوانها وقرايبها في الشوفة الشرعية ؟ يعني ما صار شي وممكن ما يصير نصيب ويزيد الكلام عنك وشافوها ولا اعجبتهم وبصراحة انحطيتي بموقف محرج قدامهم
اذا جاء خطيب او اهله اطلعي مع امك واخت كبيرة لك واذا ما فيه مو لازم واذا صار نصيب وتمت الموافقة علموا الكل


- الحرمه واضح انها انسانة مباشرة بدون لف او دوران يعني تعطيك قدامك ما تقدر تجامل وهذي الشخصية قد تكون متعبة وجارحه لكنك تعرفين وش تفكر فيه وتعرفين انها مو من اللي تحت لتحت مع انها اخطئت كثير لكنها ما تدرين عن طريقة تربيتها او اسلوب حياتها مع زوجها وابنائها ويمكن ما عندها عنصر نسائي في البيت ذريتها كلها اولاد وهذا يأثر كثير في الشخصية
لكن من ناحية ثانية اشوفها جابت الولد وخلته يشوفك يعني ما قالت : مو زينه وخلاص لا تجي تشوفها ! وكثير من اللي يخطبون كذا
وترى يصير يجون اللي يخطبون ولا تعجبهم بس تعجب الرجال
حتى لو قالوا : "ما اعجبتنا " يقول : " لا , حلوه وزي اللي ابغاها "
اعرف كثير رجال كذا مع انو اهله بعض الاحيان يقولون ما حبينها ومتضايقين انه ما اخذ بنظرتهم لها لكن ماشاء الله يصير بينهم توفيق وذرية
فهي اعطت ولدها فرصة ممكن تكون نظرته غير نظرتها


- والحمدلله انت الحين متزوجة وانتهت السالفة لا تصيرين انسانة سلبية تفكرين بالماضي وتخلينه يأثر عليك
وحتى دعائك ياكله
خلي دعائك ايجابي ولك ولزوجك واهلك وذريتك وللرزق والاخرة
واذا خطرت على بالك ادعي لها بالهداية وكثري استغفار
مهما كان هي وحده عندها ذرية واكيد يبغونها بصحة وعافية وتخيلي لو غلطتي مثلا على وحده بطريقة او اخرى سواء كنت منتبهه او لا
وجلست طول حياتها تدعي عليك