₪ ₪ التجمع السابع لعسولات الاردن المقبلات على اطفال الانابيب ₪ ₪//

مستشفى الجاردنز عجبني كتير من ناحية الخدمات اي واحد بالمستشفى يشوفك هيك شوي تايهة بيجي لعندك و يسألك شو بدك كل العاملين بيخدموك و بيعتنو فيك و الإبتسامة دايمة على وجوههم ،بالنسبة للنظافة كتير نظيف و مرتب ومنضم و هادئ كل شي في وقتو التحاليل و المراجعات مع دكتورك و هو يحتوي على احدث التجهيزات ،انا بمستشفى الإستشاري رحنا مشان خبرة الدكتور خلدون في هذا المجال بس المستشفى صراحة و مقارنة بالجاردنز، الجاردنز احسن منو في كل اشي هذا رأي شخصي

سلامتك نونيتى ان شاء الله يصير خير ،ويرجعولك أجنة سليمة والله يثبتلك الحمل يا رب يا كريم.

ربي يسعدكم ويسلمكم ويكتب لناولكم الحمل السليم لااله الا انت سبحانك اني كنت من الظالمين

حبيبتي امين يا رب
والله يقومك بالسلاامة يارب انت والبيبي ويفرح قلبك بشوفته باذن الله تعالى ..

ان شاء الله حبيبتي بشهر 9 على خير وسلامة
بتصدقي كنت شايلة فكرة العلاج من راسي كليا خاصة بعد ما راسلت الدكاترة متل كل سنة يعني كلهم حكوا نفس الشي انه نسبة الحمل ضئيلة كتير بس في حالات متلي صار عندهم حمل وخلفوا اطفال اصحاء وكمان بعد ما زوجي تزوج واجاله الولد..بس من فترة رجعت تحمست بس والله يا ريما خايفة كتير انه متل كل مرة البويضات عدد قليل وجودتهم ضعيفة كتير وتفشل كمان مرة لانه مخزون البويضات عندي هلا 0.30 يعني ماساة عالاخر ههههههه وكمان ريما انت ما بتتخيلي كمية الابر اللي باخدها 6 بودرة و2 ماي على مدار 28 يوم كل مرة كل مرة تخيلي كل هالهرمونات لما تفوت بجسمك بتهد الحيل عالاخر والله ما انا عارفة انت شو رايك شو بتشيري علي؟