شاركي في النقاش

سجلي الدخول لإضافة تعليق.

التعليقات

72
  1. @alshfokh

    والله السناب ثلاث ارباعه فشخره
    والصحه والعافيه خير من الدنيا ومافيها
    والله يعينك ياصاحبة الموضوع يارب يسخر لك زوجك وامه ويحنن قلوبهم عليك وعلى عيالك
    شوفي ياقلبي كل حرمه لها مفاتيح تقدر عن طريقها تجيب راس زوجها باذن الله انت بعد اصلاح الصله بينك وبين ربك ارضي ربك والله العظيم اذا ارضيتي الله عز وجل بماهو اهل له والله بيرضيك ويرضي عنك زوجك وامه والناس جميعاً وغير تحسي بسعاده وبركه بحياتك واصلاح في ذريتك احسني الظن بالله وبتلقي النعمه تنصب عليك صب زوجك عامليه بالحسنه امه اعتبريها زي امك اتقربي لها بالكلمه الطيبه والمعامله الحسنه واصبري لاتستعجلي النتائج وانت الكسبانه بالاخير لك الاجر وبتشوفي الفرج وصلاح حالك
  2. والله العظيم الي احسد فيه وبمعنى أصح اغبط فيه يوم أشوف حد أقرب إلى الله مني في حفظ كتابه وفي العباده وترك متاع الدنيا للجل وجه صدق هذي الي احسد وادعيلها بالثبات وذكر الله
    مثل قبل كم يوم نستاجر في فندق نزول منه بنات مع أمهم واخوهم كلهم حجاب ساتر عبايه كتف ساتر وعليها خمار واسع الي الركبه من طوله ونقاب إسلامي يدوب مخرم خرو م صغيره حتى يشوفن وشراريب سوداء ويديهن تحت الخمار ما تبين والله دعيتلهن وفرحت فيهم ودعيت من قلب لهم وذكرت الله علين وصدق شفت فيهم المراه المسلمه ماشاء الله الله يحفظهن
  3. حسبي الله ونعم الوكيل على هالبرامج اللي دمرت بيوت وخربتها الله يقطعها ان شاءالله
    وحسبي الله على الرجل اللي يستقوي على امراه ضعيفه مالها لاحول ولا قوه الله يجبر كسر قلبك وقلبي وقلب كل وحده مكسورة
    اصبري مالك الا الصبر
  4. .
    مشاعر الناس بمشاهدة سنابات الغنية بالسفرات والمشتريات
    تختلف
    في ناس لو هي أقل بكثير تشاهد برضا وما تتأذى بالمشاهدة ولا تأذي
    وفي ناس تشاهد لو هي أقل بكثير لكن ما يعنيها شيء شخصيتها غير مبالية عندها لا مبالاة اتجاه أي حاجة وهذه ما تتأذى ولا تأذي
    وفي ناس تشاهد عشان تسلي نفسها ولو هي أقل بكثير وما توصل لمرحلة تعذب نفسها أو تحذف السناب .
    وفي ناس تشاهد كم يوم ، وعلى طول تحرم نفسها من الاستقرام والسناب وتحذف لأن المشاهدة تخليها تتحسر على حالها وتتعذب . وهذه ينخاف منها توصل لمرحلة النفس المؤدية للحسد ، لذا تحذف أحسن لها
    في النهاية مسألة مالها دخل بعندك رزق أكثر من غير
    فعامل النفسيه هو أهم ، مثلا عندي وحده قريبة لي ، ما تقدر تشاهد سنابات الطلعات والخرجات وهي تقولي لا توريني أنا ما حملته عشان ما أتحسر على حالي !!
    رغم أن هي الله منعم عليها وعاطيه صحة وأرزاق أكثر مني ، وهي زيها زي بنات مجتمعي وقريباتي ما نقصت ،
    بس عادي أحس نفسيتي أنا مرتاحة أشاهد راضيه وقانعه وفي نفس الوقت أسوي قهوتي وأتسلى بالمشاهدة. ما بحس أتعذب لدرجة الحذف
    فكل شيء راجع لنفسية الشخص وتحكمه بنفسه
    دايم الإنسان يقارن نفسه بجماعته ما يبغى يكون أقل وأنقص
    وعادي هذولا ما ألومها على أحساسه هذا .
    بس في ناس فيها طمع أكبر وتقارن نفسها برزق ناس مشاهير ما تعرفهم . بيئة ثانية ، هذا بتجلس طول حياتها نفسيتها تعبانة

    بس أنا مو مع الناس ألي تبغى تجبر الأخرين ما يظهرون سعادتهم بشكل نهائي قطعي ، عشان مشاعر المحرومين .
    الله منعم عليها خلاها تفرح ، وإذا على المحرومين ، الأشياء المحرومين منها لا ترسليه لهم . مدارة لخاطرهم
    يعني صيري ذكية وابسطي حالك .
    مع أن أحيانا تنجرح العقيمة المحرومة إذا أرسلت للكل صور عيالك وهي لا . تحز فيها أنك خايفه منها .
    لذا أنت أفهم بالنفسيات في ناس محرومين لكن عايشين حياتهم بطول والعرض طبيعيا جدا ما ينقهرون أو يتحززون من شيء ناقص عندهم ، فهذولا عامليهم زي الكل وأرسلي لهم
    وفي محرومين عايشنا الدنيا بجو الحرمان ، يخلون الناس فعلا تتعاطف معهم ويرعون مشاعر الفقد فيهم ، فلازم ما تشعلي قلوبهم برؤية مواطن فقدهم . ألي ربنا أعطاك أياها .


    .
  5. @aml_mky_1

    قصة كفاح*
    الحمدلله ياقلبي غيرك في حرب مايعرف طعم النوم اللي انت تنامينها وغيرك يبكي وينوح من الجوع وفراق الاحبة غيرك في كفن مظلم لا يستغفر ولا يسبح ولا يتصدق غيرك له سنين وسنين معاق ومشلول وفاقد اجزاء من جسمه غيرك ينام ويبكي الم من الاوجاع وفي الع…
    جزاك الله خير ..رد موفق

تابعي تجارب أخرى من هذا القسم.