سلخير ي كراريش >> مروقة الأخت تو رجعت من دكتورة الأسنان اللهم لك الحمد حطت لي حشوة موقتة فيها مميت للعصب ارتحت عقبها ي زين العافية اللهم لك الحمد كما ينبغي لجلال وجهك ، حسيت بنعمة الصحة والعافية الله يشفي مرضانا ومرضى المسلمين
المهم قريت سوالفكم اليوم ونسيت الأسماء بحاول ارد ع اللي اتذكر 😅
بدايةً ، مشكورة ام اصيل واللي نصحوني اروح الدكتورة تسلمون وجزاكم الله خير ،، وعالبركة زواج قريبتك الله يوفقها
اشراقة ي حليلك تشاورينا وش تاخذين ! انا لو محلك بدون تفكير اقش كل الملابس الجديدة البنات ماتخلص حوستهم لازم تكشخ ولبس وماتضمنين المناسبات خصوصاً رمضان وعيد تكثر الزيارات والمناسبات ،، انتي حاولي تقلصين الشنط الى 3كبار وحدة للبنات ووحدة لك وللبيبي ووحدة للكماليات >> بالتنظيم يمديك تخففين العفش والله يسهل امرك ويعينك حاسة فيك ,, زوجي يقول صرت افكر مليون مرة قبل اسافر بك انتي وبَنَاتِك من كثر عفشكم😂 كان كل 2 بشنطة بس يعوضون بشنطهم الصغيرة اللي عالظهر وشنط الألعاب وشنطة للجزم الله يكرمكم بس من عقب تعليقاته حسيته جد تأزم من كثر الشنط وصرنا نقلص الشنط وحذفت شنط الألعاب والجزم وصار يقول اي كذا انتم تمام الواحد مايندم يسافر بكم😎
## ملاحظة للي تقول ماعمرهم طبخوا المرقوق والجريش ولا ذاقتهم اتوقع جود او روز نسيت ، ليييييييييش؟؟ ترا فاتكم نص عمركم😂 >>> متوحمة فيهم واعشقهم المرقوق والجريش وقايلة لأختي وأهلي واخت زوجي الله لايبيح منكم اذا سويتوا وماعطيتوني هههههههههه>> اعرف أسوي جريش بس المرقوق ماعرف ارق العجين ولا أحب الجاهز
ام وسام ، مافهمت طريقة التطريز اللي تبينها ،، يعني تطريز عالفيونكة احس بيخرب شكلها ،، ممكن تسوين التطريز عالقبعة ويكون الاسم والتطريز فضي او ابيض بس الكحلي لااا مايناسب مع السماوي >> مع اني اتوقع الفيونكة تناسب البنات اكثر >> هذا رايي وانتي سوي اللي تميلين له اكثر 💙 وتتهني بالمشتريات روعه اعجبتني ماشاءالله
سنا القمر ,, في الأسماء اللي حطيتي اعجبني ديما
وعندك اسم شام جميل مو دارج كثير وبرضوا نود / حلا /ورد / الماس / سالي
# بالنسبة لرباط البيبي ضروووووووري امي كانت تهاوشني اذا لفيته بدون ما أربطه تقول خطر يتحرك وتطيح البطانية ع وجهه وينكتم ،، يا اربطيه يا شيلي الكوفلة بكبرها لاتلحفينه حتى ،، فانتبهوا خصوصاً البكريات ،، اربطوهم بس ع خفيف لاتوجعونهم وترا الرباط زين يلم البيبي ما يتمزع ورجلينه تصير مستقيمة وتزين مشيته اذا كبر مايصير افجح ولا احوس >>> هذي تبي لها قاموس عربي عربي عربي 😂 المهم الرباط له فوائد ع المدى القريب والبعيد >> تحمست واسترسلت
## في جعبتي الكثير عزيزاتي بس الحين عندنا عمال يركبون دواليب وحوسة بس افضى ارجع لكم
🍼🐣التجمع الـ ( 13) لأمهات مواليد مايـ..5..ـو & يـونيـ..6..ـو🐣🍼2016
متابعة النقاش، صفحة 118