السلام عليكم و رحمة الله وبركاته
كل شخص منا ممكن يكون أؤتمن على سر ممكن أختك ممكن صديقتك
و بعض الأسرار كتمانها مامنه مضره
لكن بنت خالي أمنتني على شي ما اقدر اقوله و لااقدر اساعدها بشي
هي عندهابنتين متزوجات من زوجها الأول واحده حوالي 21 سنه و الثانيه حوالي 17سنه
ومخلفات يعني اتوقع حمل مسؤوليه
وعندها ثلاثه من زواجهاالثاني اكبرهم عمرها بالابتدائي واثنين لسا مادرسوا
وعلاقتهامع زوجها الله أعلم بس احسهامومرتاحه معه وحالتهم الماديه صعبه جدا
الله يفرجها عليهم لدرجة طلعوا بنتهم من المدرسه
و أولادهاصغار ومحتاجين لها
المهم
قبل رمضان تواصلنا معها بعد غياب طويل و كانت نفسيتها بالحظيظ صابها شي صارنفسها وهي تكلمني
تلقطه بصعوبه و محبطه ويائسه حاولت ارفع معنوياتهابس ماقدرت
عرفت من قبل انها اصيبت بشيء من الأمراض الروحيه حسد والله أعلم لكن ماكنت اعرف اش صارمعها بعده
لأنها انقطعت عنا فتره طويله
المهم قالت بتقول لي شي وأمنتني عليه وقالت لو عرفت انك طلعتيه كذا وكذا ريحتها
ووعدتها مايطلع مني
قالت كلام مقتضاه ان عندها سرطان في المعده و مافي امل
ومخبيه عن الكل زوجها مايعرف بناتها مايعرفون أولادهاالصغارمايعرفون
حاولت فيها تتعالج مارضيت
قلت لها الله على كل شيء قدير
ذكرتها بأولادها
طيب زوجك ع الأقل يعرف رفضضت
لأنه حسب مافهمت منها لما تمرض يتشمت فيها
قلت لها ان الوضع الحين مختلف وممكن يوقف جنبك و يساعدك بالعلاج
رفضت
أخواتها واحده من أبوها ووحده من أمها ووحده من ابوهاو امها طبعا عاشوا متفرقين وهم صغار
بسبب اختلاف امهاتهم وموتهم مبكرا يعني كلهم ربيوا يتيمات وتفرقوا
وزوجهم خالي وهم صغار ومانشأ بينهم علاقات قويه
آخر شي ملكة بنت شقيقتها يعني أختها من الوالدين على ولد اختها من ابوها
ماعزموها وشقيقتها عزمت بس اختها اللي ساكنه معهابنفس المنطقه ولا عزمتها هي
وبسبب هالفرقه وقلة الموده بينهم تقول ماتبغى أحد يشفق عليها
كنت مابين فتره وفتره اطلب منها تحاول تتعالج لكن ترفض وتصرفني
وتأمنني ماأقول لبناتها
واسكت
مرت الشهور وتطورت الحاله
والحين وضعها الصحي ساء جدا نحفت مره وصارت تدوخ و تتعب باستمرار مره تقول لي انها
تروح تحبي من فراشها لحاجتها من شدة الألم
ولما تكون متألمه و تعبانه ترسل لي وانا مابيدي غيرادعي لها
وتعلمني و اكتئب عليها ماابغى اندمها واقول لها ليش ماتعالجتي وسويتي الأسباب
فكرت اعلم بناتها بس مااعرف ارقامهم و لا اعرف اذا ازواجهم ينشد فيهم الظهر والا لا
وارجع اتذكر انها مأمنتني مااقول لأحد
واحس بالعجز لما اسألها كيفك وتعلمني بوضعها يعني لا قدر الله لو صار لها شيء
وش موقفي
تمنيت انها ماعلمتني ودي انها علمت احد يقدر يساعدها و يوقف جنبها
لو كنتم مكاني وش بتسوون اخواتها علاقتهم فيها موحلوه
وبناتها ماأعرف ارقامهم وكل وحده بمدينه
وابليس اعوذ بالله منه حتى لما افكر اعلم بناتها يجي شي بصدري انه خلاص
فات الآوان وش له اعلمهم واصلا ماعندي ولارقم لهم
وانا تعبت من هالأمر
شاركي في النقاش
سجلي الدخول لإضافة تعليق.
التعليقات
17- لاتتكلمين دام أمنتك
ادعي لها - احس هذا شي صعب تخبيه
ومن حق زوجها وبناتها واخواتها يعرفون بمرضها ويساعدونها
كيف تصبر على شي كذا
وكيف زوجها ماحس بتعبها وبناتها كيف ماحسوو وماشافو صحة امهم تدهور ؟؟!!!
مهما كان ضروري اهلها يعرفون
والله يشفيها ويرفع عنها - هذا شي ما ينسكت عليه
بكرا لو حصل لها حاجة ( لا سمح الله )
حيلوموكي لانك عارفة وماساعدتيها ..
أتوقع انو لازم تخبري بناتها
وإذا خايفة لانها أمنتك وحتاخذي ذنب
فالأفضل تكلمي شيخ ثقة وتاخذي رايه .. - يعني اللحين عاجبك وضعها وهي تعبانة
انت بنت عمتها ليش ماتسوين شيء عشانها
قسم بالله ما اخليها لو اشيلها على رقبتي - لو مكانك اقول اااسفه ما اقدر اكتم هالشيء لانو صععب كتمااانه
لو صار لها شي بكرة لا قدر الله وش بتسوين؟
تقولين ي ليتني ما سكت
حاولي تاخذي رقم لبنتها وعلميها
ووصي البنت انها ماتبين انك علمتيها
ي شيخخه صعبه تسكتين
مواضيع مشابهة
تابعي تجارب أخرى من هذا القسم.