موقف صار لي قبل 15 سنه مو قادره انساه !!

انا زوجه و ام وتخرجت من الجامعه
كان عمري 8 سنين وعندي اخو اصغر منى بسنه يعني 7 سنين
اخوي دايم شقي ودايم يلعب معي مره احرق لي شعري ومره ضربني بالزراديه على فكي بغيت اروح الا شعره ومرات ومرات .. يعني شقاوه ولد بس زايده
الموقف: :(
مره كنت العب انا وياه وضربني ضربه قويه ورحت اصيح عند امي , امي عصبت منه وياليت السنين ترجع كان ما بكيت المهم مسكت اخوي وكالعاده تخانقه وهو مستهتر قامت مسكته وسحبته للحمام (تكرمون ) وحطت وجهه قريب عند الكرسي حق الحمام وصارت تهدده بشكل عنيف ومرعب (كانت اول مره اشوف امي كذا واخر مره) تقوله اذا ما عقلت بشربك منها وهو يعاند وهي تعاند..
بنات انا اذكر هذا الشي وانهار, اخوي حاليا عنده تاخر دراسي ودايم مكتئب بنات والله اني ابكي لانه مايستاهل لانه طفل ولانه طيب كان اذا مرضت يسوي لي اندومي ويجيب لي علك من البقاله كنت احس انه يحبني..
كل ماشفته استحي لاني بعد ما دخلت المتوسط صرنا انا هو مثل التوم ,يوم دخلت الجامعه وتزوجت جاه اكتئاب وصار يبكي على ..يعني بس قاعده اسدد صدمات له ..
جاني امس ببيتي اعطاني غرض من امي بعد ماراح اتذكرت الموقف مادريت الا انا طايحه بالحوش وابكي رجلي انجن يحسب فيني شي ..
ابي ارجع السنين واسكت بسسسسسسسسسس بس احس اني دمرته انا تخرجت وتزوجت وهو ولا شي يدرس ثانوي ومحبط ..
ابيه يسامحني يسامحني والله ما قصدي ..
ابي انسى هالموقف علشان اعيش واساعد اخوي يعيش اذا شفته حسيت بضعف واحباط من اللي حصل له بسببي..
(يمكن الموضوع سهل بالنسبه لكثير من الناس بس وقسم بالله اني اكتب الموضوع وانا ابكي بألم ,ابي اطلعه لاحد ابي اقوله لأحد يمكن عنده حل)
اسفه على الإطاله........

20 تعليق 3,401 مشاهدة

شاركي في النقاش

سجلي الدخول لإضافة تعليق.

التعليقات

18
  1. @mymy1980

    حبيبتي ادعيله بالثلث الاخير من الليل وربي يوفقه ان شاء الله بدل بكائك عليه اللي لا يودي ولا يجيب بعدين امك وين ترة دورها قوي في هذه الحالة وهي قادرة ان تعالجه وتدعيله بعد ثم من قال انه تأخر بالدراسة بسبب هذا الموقف اختي ادعيله بصدق وبقوة وان شاء الله بتشوفي مكمل دراسته ومتزوج وتشوفين عياله بعد وتتخلصين من احساسك بالذنب
    باين عليج اخت روعة وحيل تحبين اخوك ربي يوفقكم يا رب
  2. @mnoolh_1

    و الله جسمي اقشعر و عيوني ادمعت
    وبالعكس الموضوع مو سهل و تافهة شي طبيعي حبك لاخوكي الله يشفية و يوفقة يارب و مثل ما قالت "الحب في الله" حاولي تساعدية بدراستة" و اعطية شوي من وقتك خليه يفضفض لك شو الي مضايقة و الله يعينك
  3. @lyan_ksa

    ياعمري انتي والله حاسه فيك لاني اموت على اخوي واحس بتانيب ضمير اذا هاوشته او فشلته لو هواش بسيط
    انتي قربيه منك واعزميه دايم وخليه صحبه مع زوجك وتكلمي معاه وساعديه معنويا وكلمي امك انهم يصيرون متفهمين معاه ساعدوه حرام
    الولد اذا صار محبط يضيع مستقبله
    الله يفرج همكم يارب
  4. ليان_ksa
    ياعمري انتي والله حاسه فيك لاني اموت على اخوي واحس بتانيب ضمير اذا هاوشته او فشلته لو هواش بسيط انتي قربيه منك واعزميه دايم وخليه صحبه مع زوجك وتكلمي معاه وساعديه معنويا وكلمي امك انهم يصيرون متفهمين معاه ساعدوه حرام الولد …
    مرحبا حبيبتي

    ماشاءالله .. العضوات اللي قبلي كفوا ووفوا

    وانا حبيت ازيد عليهم بنقطة وحدة مهمة

    حبيبتي لازم تروحين لمركز متخصص بالتنمية البشرية
    علشان انتِ تتعالجين .. وعلشان اخوج بعد

    اذا انتِ من الشرقية .. عندنا مركز معروف اسمه مركز القمة او قمة المستقبل مو متأكدة بالضبط
    وعندهم الدكتور/ زهير ماشاءالله مشهور

    واعرف كم وحدة من جماعتنا راحوا عنده وارتاحوا بإذن الله

    ؛؛
    ؛؛
    ؛؛
    الله يريح ويطمن بالج .. ويفرج هموم وكرب اخوج ولجميع المسلمين يارب
    ؛؛
    ؛؛
    وبالتوفيق للجميع ؛؛ :26:

تابعي تجارب أخرى من هذا القسم.