بنات ساعدوني ربي يفرج همكم
السلام عليكم ..بنات انا عندي مشكله زوجي دايم موديني عند اهله يخليني عندهم بالاسابيع طبعا احنا مو مستقرين عمله بديرة واهله بديره لما تسيء اوضاعه وداني لهم المشكله هم متضايقين من وجودي عندهم اغلب وقتهم جالسين بالغرفه ومخليني بلحالي واحيانا يرمون كلام غير مباشر يعني روحي بيتك ((ابوي معطيني شقه عشان ارتاح بنفس المنطقه اللي فيها اهله بس مايخليني اجلس فيها بلحالي يقول صعبه اخليك فيها بس اوقات الاجازات ))ولما اقوله لاتوديني لهم يمكن اهلك يتضايقون ازعجناهم بالاولاد يقول انتي ماتبين اهلي وتفسرين كل شي غلط المشكله امه كانت معي عسل والله ماترضى علي الشينه كانت عادتني زي بنتها بس اخواته قلبوها علي وتغيرت معاملتها معي المشكله يغلطون ويزعلون مني مع اني طيبه وكويسه معاهم والله ماقد طلعت مني كلمه تجرح احد فيهم وعادتهم زي اهلي بس المشكى على الله.. مرا من المرات امه رمت علي كلمه قالت المجلس مايصلح ينام فيه اثنين يعني تقصدني انا وزوجي انصدمت وسكت ولما رحت لبيتي كلمة اهلي وقلت لهم عن كل شي وابيهم يلاقون لي حل طبعا زوجي سمعني بالصدفه وقلب علي الدنيا الا امه لا اتكلم فيها وانها هي الصح وانا الغلط وهي ماتغلط ابدا المهم كلمتها جدتي وقالت ليش تسوون في بنتنا كذا ليه ماتكلمون ولدكم يوديها لبيتها ليه حاطين المشاكل على راسها لهدرجه بنتنا ثقيله عليكم ...الخ امه اعتذرت وتقول اني كويسه معاها ولا ارد عليها ومحترمتها ولامرا جاها شي مني ..طيب ليه تعاملني كذا دام ماجا مني شي وخواته زعلانات مايبون يكلموني مدري ايش سويت لهم بالصراحه عشان يزعلون ومرا اجتمعوا عند امهم ولا رحت كلموا زوجي ليه مارحت لجمعتهم ويقولون لهدرجه احنا ثقال على قلبها واذا جيت جمعتهم مسوين زعلانات ولا يكلموني ...بصراحه انا مستغربه من تصرفاتهم ومستغربه من تصرف زوجي اذا رفضت اروح لهم ويزعل ويتضايق بنات ساعدوني ايش اسوي والله تعبت منهم ومن تصرفاتهم