شاركي في النقاش

سجلي الدخول لإضافة تعليق.

التعليقات

1,995
  1. @rohy_gonan

    السلام عليكم


    رجعتلكم بعد انقطاع طويل
    كنت اتابعكم على الخفيف اذا سمحتلي الفرصه


    مريت بظروف ربي عالم فيها اتنومت مع بنتي 15 يوم بسبب التهاب الرئه وحساسيه الصدر بس الحمدلله عدت ع خير


    وحشتوووني كلكم
  2. @am_osam_11

    روحي جونان
    السلام عليكم رجعتلكم بعد انقطاع طويل كنت اتابعكم على الخفيف اذا سمحتلي الفرصه مريت بظروف ربي عالم فيها اتنومت مع بنتي 15 يوم بسبب التهاب الرئه وحساسيه الصدر بس الحمدلله عدت ع خير وحشتوووني كلكم
    وعليكم السلام ..
    ياهلا ..
    والف سلامه على بنتك ...
    كيفها الحين أن شاء الله بخير ..
    وانتي ايش آخر اخبارك
  3. @ashrak_anth

    ظهرت الصورة عندك 😳
    والله أنا باقي تلف ههههههه
    الاثنين القصيرة ألكم الطويل وترى هو مو طويل مره يعتبر حيران مره حلو ع الطبيعه من سيتي ماكس وقلت ألبسها الآن في فترة الحمل والولادة في بيتي ان شاء الله
    والباقية كلها من رد تاغ
    الثلاثة الطويلة هذي بخليها للولادة ان شاء الله
    والاثنين العلاقي واحد منهم قد لبسته اليوم ماعندي وقت😂والثاني بألبسه كمان
  4. @smaaaa_8

    سلام ي حلوين كيفكون
    هاليومين عندنا عمال وتكسير وشغل بالبيت بدأ الجد دقت ساعة الصفر😂 والله ماقدرت انام من فجر طقطقة وتكسير بس الحمدلله اخيراً تلحلح ابوالشباب وجاب العمال .
    اشراقة سلامتك ي قلبي وسلامة بناتك ماتشوفون شر ان شالله الحين تقلبات الجو الله يعين
    دموع سلامتك ماتشوفين شر ان شاءالله
    شوشو عالبركة ملكة اختك الله يوفقها ويتمم ع خير
    ام اصيل وينها مالها حس >> ترا هي حسبة امنا مانقدر نسولف بدونها 😂 بتحذفنيام اصيل امزح امزح قصدي حسبة اختي الصغنونة ترا انا يمكن أكبركم 🏅😎
    ### بالنسبة لنظام النفاس لا افراط ولا تفريط >> ركزوا معي ترا بتفلسف 😎📝 بدايةً انا كنت من أوائل المناهضين والمعارضين لنظام النفاس بحكم اني تزوجت صغيرة 16 كنت اصغر وحدة بالعائلة تتزوج وكنت ارفض خرابيط النفاس وعذبت امي معي كانت تسوي المرقوق والعصيدة وياكلونها هم وانا ارفض يسوون لي مكرونه وصينية خضار وسلطات وبطاطس مقلي ههههع واشرب غازيات يعني اللي كنت اشتهية أكله وأبوي يهاوش امي خليها ع كيفها ما ذبحها الا أدويتكم وخرابيطكم هههع كنت نحييييفه،، طيب وبعدين ،، طلعت من النفاس زي ما انا بس كنت اقول لامي ظهري يوجعني وكنت اتعب من شيل بنتي ومن تغيير لها مافيني طاقة ابد وسمرت زيادة ومااش أموري مهب طيبه ،، الولادة الثانية امي شدت علي ولا اكل الا اللي هي تسوي وكانت ولادتي شتاء فالتزمت شوي وكنت اشرب حلبة ومشروبات دافئة واكل بر وأخفف من النشويات واشرب عصائر طازجة وطلعت من أربعيني حاقة تانية بشرة وصحة وشعر والأمور زينة ،، وبعدين >>> مو كانها طالت السالفة 😂
    المهم بولادتي3 قررت أتنفس ببيتي كبرت شوي وعقلت وبيتي كان جنب بيت اهلي فقلت اريح امي شوي وزوجي كان يبينا عنده لانه كان يحب النونوات ويستحي من اهلي فقعد يزن علي ودق صدره قال انا عندك ونتعاون وأجيب شغالة تنظف وتساعدك فقعدت ببيتي،، الزبدة مشيت ع نفس نظام امي مع بعض المخالفات البسيطة بس حطيت لي أولويات واشياء مهمة لازم التزم فيها ،، وصار هذا نظامي بولاداتي كلها ،، نظام متوسط وبسيط بحاول اشرح لكم بشكل مختصر ماحب الحتسي يكثر>> وااااضح ماشاءالله 😂😅
    في البداية فيه حاجتين اجهزها قبل الولادة اشتريها واطحنها واحطها بعلب واكتب عليها دواء الحليب ودواء اﻻكل ،، واحط كميه صغيرة من كل واحد بعلبة البهارات اللي ترش زي حقت الملح وتكون شكلها حلو بحيث كل ماجابت الشغالة او بنتي اكلي تحط العلبة حقت الدواء معه .
    1- دواء الحليب (( فلفل ابيض ، زنجبيل بودرة ، ماش )) كميات متساوية واللي تبي تحط الفلفل نص الكمية براحتها>> هذا ي حبيباتي احط منه تقريبا ملعقة مع كوب حليب حلبه الصباح اول ما اصحى وكوب زيه بالليل وأول يوم كنت نحيفه احط ترمس حليب الحلبة عندي من المغرب وكل شوي اشرب عشان تنفخني شوي😊 وجابت فايدة ،، بس عقب خلاص مابي سمنة بس كوبين عشان تقويني شوي وعشان الظهر
    2- دواء اﻻكل (( حلبة ،، كمون ،، فلفل اسود )) كميات متساوية والفلفل نص الكمية ،، امي كانت تحط شمر وشوي ليمون اسود مطحون قد اليد تقول يحلي طعمه شوي يصير مقبول بس انا ماحب كثرة الأعشاب وطعمه عادي مو شين >>> هذا ينحط مع الشوربة المرق المرقوق عصيدة التمر عصيدة المرق اي شي تاكلينه حطي عليه ملعقتين من الدواء
    👆🏼 هذا بالنسبة للأعشاب ونسميها أدوية النفاس
    اﻻكل >> الصباح بدري مع الدوامات سندوتشات بيض مسلوق مع طماطم وخيار وكوب حليب حلبه .. لمن أكون تعبانه والا فيني نوم اخذ بيضتين بدون سندوتش مع كوب الحليب وأنام اسرع كذا😁
    لمن اصحى عاد الضحى والا قبل الظهر وأحيانا أتأخر بالنوم للظهر اكل عصيدة تمر مع كوب قشر قهوة
    الغدا صحن السلطة احط معه ملعقتين رز وزبادي وخلاص
    العصر يجيني ضيوف ومعجنات وحلويات احاول اتجنبها اتقهوى مع تمر واشرب يانسون والا قشر
    المغرب يجيني جوع غريب وعطش اتوقع من الرضاعة فأحاول اسبق الجوع وأخذ كاس عصير برتقال فرش وسندوتشات بيض بعد😋😂 ع بال مايسوون العشاء مرقوقة والا مهبش >> أكله نجدية بعدين اشرحها لغير الناطقين بلهجتنا 😂
    العشاء للأسف عندنا لازم وجبة دسمة فنحاول نخليها مبكّر بعد صلاة العشاء وبعدها خلاص ستوب .. يكون قريب مني موية وعصائر عشان اخر الليل عطش فظيع
    ## شاهي الأعشاب هذا ماحبه ما اشرب الا قشر قهوة وأحيانا كمون عشان زين للغازات
    ## النظافة الشخصية والخياطة بعدين أتكلم فيها تعبت الحين 😅
    هذا وصلى الله وبارك وسلم ع سيدنا محمد وآله وصحبه اجمعين 😘
  5. @smaaaa_8

    ##ملاحظة ، التمرة اللي معجونة برشاد هذي ما اخذها الا بالعشر ايام الاخيرة عشان تنظف من الدم
    الدواء حق اﻻكل التزمت فيه لانه يجمع لي الأعشاب المفيدة ولاني ماحب أشربها فمع اﻻكل حلوة ومايبين طعمها مرة ،، طبعا مافيه غازيات ولا مشروبات باردة ولا وجبات سريعه .. اما المخالفات اللي أسويها واحسها عادية ماتضر بالنسبة لتجربتي اللي هي الباذنجان والملوخية والبامية والجح او الحبحب >> هذي عاد انا احبها من قبل فما اقدر امتنع عنها

تابعي تجارب أخرى من هذا القسم.