السلام عليكم حبيباتي ..
بدخل بالموضوع دايركت ..
انا كنت حامل وولدت بشهر 10 الي راح
بس كانت ولادتي جدا عسره
كان حملي سليم وكنت بكريه وتعديت شهري ودخلت العاشر وعطوني موعد لطلق الصناعي ..
لكن قبلها بيوم رحت ل خاص اكشف بس عشان اطمن امي تبي ترتاح عن وضع البيبي
وقالت لي بالخاص ان الحوض ضيق م تولدين طبيعي ابد
م صدقت ورحت للحكومي وقالت م يتحدد الحوض الا وقت الولاده
وعطوني طلق واشتد جدن وتعسرت ولادتي وابطيت وانا اطلق والبيبي تعب
واخر شي جت الدكتوره وشفطته لي ب جهاز الشفط
بس كان بغيبوبه للاسف وعلى الاوكسجين الصناعي ولايشرب حليب الا من الانبوب استمر ع هالحاله شهرين بالتمام وراح ل رب العالمين الله يجمعني فيه بالجنه ..
الحين حامل وبالشهر السادس
وصرت اتابع الحمل بمشفى ممتاز
وقلت لدكتور اني ابي عمليه قال ع اختيارك
ف ودي تكون العمليه اول يوم بالتاسع ..
اقدر والا تتوقعون يرفض !
شاركي في النقاش
سجلي الدخول لإضافة تعليق.
التعليقات
6- ياعمري الله يعوضك ويجعله شفيع لك ولابوه في الجنه الله يتمم حملك ويسهل ولادتك وتفرحين بضناك انا على حسب معلوماتي الافضل للجنين تكمل الوحد التاسع عشان يكتمل وتكتمل الرأتين عنده الالضروره طبعا وخطر على الام والطفل مثل الظغط والسكر يولدون الدكاتره من اول يوم بالتاسع واحيان قبل بعد طالما عندك تجربه طبيعي من قبل اصبري ربي يسهل ولادتك العمليه تعب من مجربه اقولها لك امااذا قررو الاطبا لازم عمليه تولدي لوضعك الصحي فتوكلي على الله وربي يسهل امرك
- انتي تاكدي مرة ثانية من الحوض اذا كان ضيق لاتجازفين وتولدين طبيعي اطلبي عمليه
بنت خالي كذا حوضها ضيق وتدخل التاسع تاخذ اسبوعين وتولد عملية
الله يكتب لك الخير ويقومك بالسلامه واهم شي استودعيه الله وربي يحفظه لك - ياروحي عظم الله اجرك والله يجعله شفيع لك ياربي ويفرحك بشوفك ضناك سليم ومتعافي
من معلوماتي اول التاسع غلط الا اذا الولاده جت من الله
لان اول اسبوعين بالتاسع تعتبر ولاده مبكره والوزن تبع البيبي صغير .. بعد الاسبوعين يعتبر الجنين جاهز للولاده وراح تبدأ الولاده بأي وقت
استخيري انتي واذا دخل شهرك إن شاء الله
اسألي دكتورتك عادي اولد الحين ؟ وشيكي على وزن البيبي اذا صغير افضل انتظري اسبوعين ثم سوي العمليه
وشوفي كذا مستشفى بخصوص حوضك
اذا صغير صدق لا تعيدين التجربه مره ثانيه اولدي عمليه والله يكتب اجرك - انسب وقت للعمليه بعد 38 اسبوع
يعني منتصف التاسع
ويارب يعوضك عن اللي راح ويجعله شافع لك ويتمم حملك على خير
والعمليه الدكتوره هي تحددها مو انتي تختاري الوقت - الله يجعله شفيعا لك يوم القيامه والله يعوضك بالذريه الصالحه
انا اقول لا تستعجلين على العمليه اذا تقدرين طبيعي خليه طبيعي تحكمين على ولاداتك كلها عمليه ليش ؟وانتي في بدايه حياتك وان شا الله تكون ولادتك اسهل بس المستشفى الي ولدتي فيه ماقالولك الحوض عندك صغير او لا؟
مواضيع مشابهة
تابعي تجارب أخرى من هذا القسم.