تزوجت بعد طلاقي .. ولاكن خسرت بناتي ؟؟

الله يفرج همك
>>> عورتيلي قلبي
الله ينصرك

حبيت اقول نقطه مهمه حطيها ببالك زين ويمكن ما تعجبك لاكن انتي فكري فيها زين اذا رفض مره للمحكمه او حظر ولا نفذ المهم انه راكب راسه نصيحه لا تحارشينه يمكن ينتقم من بناتك يوسويلهم شي والشيطان يوزه والله لا محكمه تنفعك ولا تهديد ولا شي وقتها بتخسري بناتك وتتحسرين عمرك كله بسم الله عليك اسمعي نصيحتي طييحي على ربك وادعي وادعي واستغفري دائئئماااا ان شاءالله سنه سنتين ثلاث عادي اتحملي واسفهيه اعرفلك وحده وربي توني اتذكر قصتها قريبه لي كذا تطلقت وحرمها زوجها سنيين كثيره ما شافت بناتها ومحاكم وناس تدخلووا بالسالفه مافي فايده ابدا معند طاحت على ربها بالدعاء والاستغفار والله بلحضه ان بناتها كلموها قالوا خلاص ابوي بيجيبنا عندك نعيش تخيلي وهي ما تزوجت عند اهلها فما بالك انتي تزوجتي يعني الرجال براسه شر والشيطان حريص يوميا صبح وماء استودعيهن الله مع نفسك وبيتك وعيشي حياتك وانبسطي ومصيرهن راجعات لك طليقك اذا شافك هاجده بيندم وبيتراجع لا حارشتيه بيزيد وانا والله اخاف يسوي بناتك شي وشفي البلاوي الي تصير عندنا وكثرة الجرائم ربي يحفظنا ويحفظكم الدنيا معاد فيها امان وتخوف مالك الا ربك ادعيه

المحاكم تعبتني .. احيانا القاضي مايحظر .. واحيانا طليقي مايحظر .. ويعطوني مواعيد بعيده يعني كل شهرين او ثلاثه موعد .. وانا كل يوم ادعي ربي يلين قلبه هو واهله ..مانسيت بناتي ولا لحظه .. اصلي الفجر واستودعتهم الله وادعي لهم بالتوفيق بدراستهم ووصلني خبر انهم متفوقات بدراستهم .. ومايطمن قلبي الا وعد ربي وبشر الصابرين .. وقوله تعالى واستعينوا بالصبر والصلاه وانها لكبيرة الا على الخشعين ..
انا ادري مهما سويت ماراح اعوضهم عن فقدهم لي كنت اتمنى اكون معهم بكل لحظه اشاركهم فرحهم وحزنهم ..ادرسهم .. اسبحهم البسهم اوكلهم .. والله لازوج ولا اهل يعوضني الفقد الي عايشته .. زوجي يحاول يسعدني ويخرجني من الي انا فيه بس مقدر انسى واتجاهل بعدهم عني فيني غصه .. واذا جاء الليل ونام زوجي اقلب صورهم بجوالي عشت معهم خمس سنوات كانت من اجمل سنين عمري واجلس ابكي وابكي لين ارتاح وما اخليه يشوف دموعي عشان ماينأثر حتى هو له حق علي وعندي ولد منه وابي احافظ على بيتي الجديد وما ابي اكرر المأساه مره ثانيه..
اخر مره جوني بناتي اعطيتهم ايبادات هدية العيد وكنت متسطحه على السرير وجات بنتي الكبيره عمرها خمس سنوات وتبوس رجولي ياحبيبتي يابنتي والله لين الحين اتذكر واموت الف مره واقول في نفسي سامحوني انا ابعدتكم عني لو صبرت على ابوكم ومسكت بيتي ماصار الي صار بس الحمدلله على كل حال الحمدلله يارب سامحني وانصرني وقر عيني بشوفتهم مقدر اكمل تعبت اعذروني

الله يفرج همك ويرد لك بناتك رد جميلا
عليك بدعاء والاستغفار والصدقه بنية ان بناتك يرجعن لك حتى لو بريال وصلاة النوافل
والله معاك لاتنسي ان الله يمهل ولا يهمل
والله قطعتي قلبي بس الجاءي الى ربك هو المعطي

ما اقول الا بيض الله وجه زوجك الثاني اللي سعى معك