🍼🐣التجمع الـ ( 13) لأمهات مواليد مايـ..5..ـو & يـونيـ..6..ـو🐣🍼2016

دلوعة رجلها سلامة بابتك وان شاء الله العمليه دي سهالات اخويا سواها قبل سنه ولازم يحافظ على تمارين معينه تقوي الفخد واموره تصير تمام ان شاء الله ربي يحفظه ويخليه لكم ،،


فوق الغيوم سلامة ابو زوجك قدامه العافيه 🌹..

اللهم آمين ،،،

والله غسلتها بصابون الوزير وحطيتها في الغسالة العادية فرزت مجموعة الالوان ويادوب لفه وأشيلها وأنا واقفه عليها والحمدلله تسهلت
بس صابون الوزير روعه ريحته ورغوته كثيفة ماشاء الله بس ماظنتي فيه في أمريكا😅

الله يعطيك العافية ساندرا💕

هلا والله فيك وترى كلامك فعلاً فيه من الواقع
زوجي أحيان كثير أسأل نفسي ايش اللي عاد ممكن يسعده هذا الانسان !!
يعشق النظافة بجنون وأنا والله في هالناحية ما أمدح نفسي
يحب الشخص النشيط وانا هذي طبيعتي بغض النظر بنت والا متزوجة والا أم والا موظفة
أراعي احتياجاته قدر المستطاع
عمري ما أتعمد أجرحه الا اذا جرحني وخاصة في البنات وقتها أفقد أعصابي
مايحب المرأة الإتكالية يعني لو فيه شيء في البيت وماضبطتيه مستحيل يضبطه لك لو يقعد سنه!!!
وأنا كذا الحمدلله ماأحب أركن شيء وأخلي الدنيا حايسه
عقابه الله لايوريك لو ضيعتي شيء أو سويتي شيء بالغلط مستحيل يعذرك يالله وينسى كل الحسنات ومايتذكر الا هالشيء أحس طبعه في هالشيء زي جحود الحريم😓
البنات يتعامل معاهم كأنهم مراهقات فاهمات يعني ماعنده ادراك ان هذولا أطفال!!يبغاهم يستوعبون كل كلمه يقولها!!
رتبته العاليه بهذلتني أكثر مافادتني بحياتي 😔كل شيء عنده أوامر ونواهي
يعني واذا خالفتيه يعتبره عدم طاعة وتمرد!
أنا ما أكذب عليك عشت بين أب وأم دارسين محو أمية لكن كرامتهم وعزة نفسهم بالدنيا وأنا أصغر عيالهم والحمدلله عشنا على قدنا ومستورين صح مو بنفس المستوى اللي هو عاش فيه وبمقدار الرفاهية اللي عاشها لكن الحمدلله كنا مبسوطين وعشنا بكرامتنا ولا أحد امتهننا ولا نقص من قدرنا
زوجي للأسف فيه (شوفة حال)حتى لو أنكرها لكن تظل صفه فيه وفي أهله للأسف مهما اتصنع التواضع لكن تظل تصرفاته تفضحه دائماً
أحيان لما كان يجي يوصلني لبيت أهلي وربي أمي تعامله أحسن من عيالها وهي حرمه كبيرة لكن تلاقيها طبخت وحضرت ومابقت شيء الا سوته وفي النهاية يرفض يدخل لو مجامله لها بصراحة طبعه هذا ماعجبني مره
اللي يكرمك لازم تحترمه لو فيها قطع رقاب بس زوجي رتبته مصورتله ان الكل لازم يلتمس له أعذار والكل لازم يحترمه حتى لو هو نقص من قدرهم واحترامهم
وأنا والله ماكذب عليك صرت أتعامل مع أهله بنفس الشيء يسأل عن أهلي سألت عن أهله يطنش أهلي ويعتبرهم مو موجودين
اعتبر أهله مو في الوجود أساساً هذولا أهلي قبل يكون هو زوجي هذي عجزت أطنشها معاه
وما أكذب عليك يا دموعي قريبه أنا طباعه هذي حطتني في مواقف محرجه مع أهلي وانا من النوع اللي ما أحب ألمع صور مزيفه للاسف
يعني هو استكبر يزور أهلي ماراح أبرر له أبداً زي ماهو في المقابل مايقبل الخطأ سواء مقصود أو غير مقصود!!

صح إنه زوجي وستر وغطاء زي مايقولون بس مو معقوله عشت بين أهلي بكرامتي وعنده أتنازل عنها تحت مسمى الطاعة أو أسميه الخضوع التام لان زوجي حتى الطاعة ماترضيه يبغى خضوع تااااااااام دون شرط أو قيد😅
وآسفه يمكن استرسلت في الكلام بس زوجي مفهوم السماحة مو في قاموسه
أنا وعائلتي قلوبنا طيبه والله