زاعت كبدي من الحياة ، قولوا شي يمكن تفرجون كربة

تنتظرين لين الناس يجون عندك طيب ليه انتي ما تروحين للناس وتكلمينهم تطلبين صداقتهم هذي عادي ما فيها شي وهذي مو اسمها ميانه هذا اسمه تعارف ويبي يبين بعدين اذا هي تبي صداقتك او لا

ياحبي لك كل الناس يبون اللي يبدأ معهم وهذا غلط

ليش ما أبدا انا وادخل بناس واسولف معاهم واشوفهم اذا كانوا يتجاوبون وحسيت انهم يأخذون ويعطون معاي كذا اجلس معهم وافلها

واكثر الناس يحبون اللي كذا
واذا ماعطتني وجهي عادي العيب مو فيني فيها هي لانها بتكون متكبره او ناقصة او فيها بلاا

خليكي وااااثقة من نفسك ولاتنتظرين احد يبدا معاك ابدأي انتي معاهم وعودي شخصيتك تكون اجتماعيه لانك من كلامك تحبين الاجتماعيات والعلاقات وشخصيتك منغلقة بطبعها فحاولي تعدلينها وتدربين نفسك اول تجربة واح تكون صعبة ثاني مرة هه ثالث مره خلااص بتكوني تعودتي وتلاقين نفسك فجئة تتكلمين معاهم وتسولفين ويروح عنك الحيا والانغلاق

كل واحد فينا يعرف دائه ودوائه

والبنات بعضهم يقولون ماعاد فيه صداقات حرام عليكم هالسلبية ليش والله يا الناس فيهم خير

بس احنا نبي ملائكة دايم احنا يالبشر نتصيد الاخطاء ونقول هذي وراه سوت كذا وهذي قالت كذا ونحط الحبة قبة ونقطع العلاقات ونكرة الدنيا ونقول الناس مافيها خير وننسى اننا من الناس

صدقوني لو نعامل نفسنا كالبشر مو ملائكة كان احنا بخييير وعافية

ولو نطبق حديث الرسول صلى الله علية وسلم ( وألتمس لأخيك سبعين عذراً ... )

سبعين عذرا يعني تخيلوا احنا علي طوول نحط الحبة قبه ولا نعذر الناس واحيانا نشكشك فيهم ونظن بهم السؤ وحالتنا حالة


خلونا ننظر الحياة بإجابية الناس لسى فيهم الخير والطيب واحنا لازم نكبر عقولنا عشان نعيش مبسوطين


روحي ياخيتي دوري اصحاب ترى لسى الدنيا بخير 💗💗