انا متزوجه لي تقريباً سنه وشوي و مشكلتي مع زوجي دايماً برا البيت يومه اغلبه برا حتى الاكل ياكل برا عند عمام وخوال او اخوياه يعني بختصار ماكان عنده بيت افكر الناس اكيد بتقول حرمته ماتطبخ له !!
وبالليل يجلس للفجر برا يرجع وبس يجيه اتصال من اي احد فاضي قام وللبس وطلع اي وقت بدون مبالغه متواجد ع مدار 24 ساعه اذا طفى مره خلاص بينام يجي ينام ومن يقعد يطلع وع هالموال
ودايماً نومه مقلوب ودي زي اي عائله ننام مع بعض ونصحى مع بعض وناكل مع بعض حاولت اقلب نومي معه بس صرت امل ولا له وقت للرجعه اذا ماحصل احد معه رجع وحط راسه
واذا مره مالقى احد يتعشى عنده دق جهزي عشاء ويجي ياكل ويرجع يطلع مره ثانيه كانه داخل مطعم
واذا كلمته قال وش تبين اقابلك 24 ساعه وش ذا الدلع وناس تدق علي وش تبين اقولهم حرمتي ماتبي اطلع
كانه باقي عزوبي مدري متى بيتغيير
تكفوووووون قولوا لي صح غلط الي يسويه !! ولا كل الرجال كذا ..
وش الححل معه وكيف اقنعه زهقت احس اني عايشه لحالي ..
شاركي في النقاش
سجلي الدخول لإضافة تعليق.
التعليقات
21- حاولي تكلمينه باسلوب حلو
وبالكلمه الطيبه بدون هواش
واذا جا حاولي تستغلينه لك
مثلا تقولين ايش رايك نسوي لبعض مساج
بعد يومين تسوين كيكه وقهوه وتقولين اليوم نبغى نجلس مع بعض نلعب ونسولف
وحاولي تخلينه يقفل الجوال وتقولين ابغاك معاي ماابغى احد ينكد علينا
حاولي تسوين جو حلو ف البيت
اذا مانفع معاه..
هنا اكيد خليك شخصيه وهاوشيه اذا طلع وازعجيه بالاتصالات
وقوليله انت مو عزابي مخليني ف البيت وانت تسرح وتمرح لا والف لا ماارضاها على نفسي
حتى انا ابغى اطلع واتمشى واروح مطعم
عوديه خرجاتكم مع بعض ولك يوم بالاسبوع اطلع مع اصحابك او خيلانك كذا ابسمحلك
يعني عوديه على الصح من اول سنه بزواجكم يمشي عليه طول العمر
لا تسكتييييييين ابدا - الله يعينك عليه..
يعني هي فكرة براسه بس؟؟ أن البيت للنوم والأكل إذا ما أكل برا؟
أو فيه أسباب ثانيه ماتعرفينها؟ لازم تفكرين بدوافعه وعلى أساسها تفكرين حل..
الله يوفقك.. - احسن لك فك
بنت طرازن احسن لك فك
قصدي فكهعطر ومطر" الله يعينك عليه.. يعني هي فكرة براسه بس؟؟ أن البيت للنوم والأكل إذا ما أكل برا؟ أو فيه أسباب ثانيه ماتعرفينها؟ لازم تفكرين بدوافعه وعلى أساسها تفكرين حل.. الله يوفقك..
هو نظامه كذا قبل الزواج مايجلس وللحين ماتعود ان الوضع غير عنده زوجه وبيت وممسؤليه
ودايماً يبي يطلع قهوه وهو مستعجل اكل مستعجل كذا بس بيمشي
اذا كلمته جلس معي نص يوم وجلس يتكلم فيها اسبوع ..
مواضيع مشابهة
تابعي تجارب أخرى من هذا القسم.