✨🍼التجمع الـ ( 14 ) لأمهات مواليد مايـ..5..ـو & يونيـ..6..ـو🍼✨2016

بنات قرأت كلام ... ونسخته مع شوي تعديلات من عندي وإضافات. . قلت افيدكم فيه بالذات البكريات. .
واللي تشوف ناقص شيء تنسخ كلامي وتزيد عليه إضافتها. .

السلام عليكم جميعا 🙋كيفكم
انشغلت الايام اللي راحت وحسيت اني تعبت وارهاق بس الحمدلله كله بااجره ان شاء الله
عاد راحوا شيبانا الله يستر عليهم ويحفظهم بناتي زعلوا ليه جدو راح لان جلس عندنا اسبوعين وكانوا مره مبسوطين معه بالذات لما يرجعون من الروضه ع طول ياخذون كتبهم ويجلسون يكملون واجباتهم يبون يورون جدهم كتبهم وكذا ولا يوم يكنون لحالهم مستحيل يمسكون كتاب ويتدلعون يجي اليوم الثاني ويروح الوقت ويالله يخلصون واجباتهم او اذاكرلهم وكذا
ومن جد كان مونسنا ابوي بس انا مع ثقل الحمل كان يرحمني شوي بالذات لما اجهز القهوه ولا الشاي له اجلس ع الكنب واقرب الطاوله يجي يقرب الثلاجه منه ويقولي خليها انا بصب لنفسي قلت لا انا بقهويك قال انتي صرتي زي الشيبان خليك في حالك هههههههههههههههههههه
ولا مره يوم جا عمي جبتلهم القهوه العصر وكانوا جالسين ع الكنب جنب بعض وحطيت الطاوله بينهم بس المشكله كيف اجلس واصبلهم القهوه فاخذت كرسي وجلست قدامهم وصبيت لكل واحد فنجال المهم في الاخير صاروا هم يقهوني خخخخخخخخ 😆😀قلت ماسويت شي
لان من جد احس بتعب اذا طولت جالسه بعدين يشوفون بطني كبير فيحنون علي هههههههههههههههه فصرت انحرج منهم واحاول اني اسوي الشي ع مهلي واكثر مااتعب وقت الفطور لان كلهم عندهم سكر لازم اسوي لهم تحليل قبل الفطور واعطيهم علاجاتهم واجلس معهم وقت الفطور ع السفره لان زوجي مايكون موجود الصباح ولا وقت الغداء والعشاء يكون موجود واحيانا اخوه يجي يجلس معهم فاريح شوي
بس يابنات مين يجيها الم في منطقة العانه بالذات اذا جلست ع الارض احس المنطقه زي المخدره مره بصعوبه اقدر اقوم وبرضو يزيد علي الالم اذا نمت ع جنب اليسار ويشد علي لدرجة مااقدر اتحرك ولا انقلب ولا اقوم من السرير اصلا اجلس ساعه لين يخف الالم ويدوب اتحرك ع خفيف حتى لما امشي مااقدر ارفع رجلي اليسار من على الارض وربي احيانا توصل معي لدرجة البكاء بس امسك نفسي بس طبعا ماقدرت اروح للمستشفى لكن ان شاء الله اليوم العصر اروح والله يسهل
لان اخاف يكون الالتهاب له علاقه بالموضوع مع انه الحمدلله مافي افرازات بس بقولها ان كان عندي من قبل وحابه اتطمن
وبالذات البارح جاني الم غريب يتحجر بطني ولما يتحجر في نفس الوقت النونو يجلس يتحرك ويشد اسفل بطني بحر كه غريبه فماادري هل معناه تغير للوضعيه او بدا راسه ينزل تحت المهم كان يجيني الم مع كل حركه لدرجة خلاص كنت بروح المستشفى وكان يدق اسفل بطني من تحت وكان شي بينزل ومغص بس خفت الحركه والتحجر ولااول مره انام ع جنب اليسار بدون مااحس بالشد والم اللي كان يجيني قبل فماادري وش السبب
بس ان شاء الله اروح اليوم واتطمن
اسفه طولت بالهذره 😣

انا افكر اتعلم بنفسي واسويلها 🙊 بس خايفه عشانها نونو مااتحمل واسويلها مره بشويش وماتستفيد ، بشوف طريقتها بالفديو لازم بدور ف اليوتيوب ان شاء الله ، هذا في حالة لو جات دي الحرمه وماحنكت بسكت ولمن ارجع بيتي ان شاء الله احنكها <<< تقصد تجرب فيها 😂😂..

ربي يحفظ اطفالنا من كل شر ❤❤..

سويتلكم نسخ من احد المنتديات ان شاء الله يفيدكم ،،
جهزي الحقيبه من اول اسبوع من الشهر التاسع ، خصوصا ان اغلب مافيها لايتأثر !


اولا اشياء تحتاجينها قبل الولاده :
- قاروره ماء متوسطه عبيها ماء زمزم ان استطعتِ او ماء عادي ، واقرأي فيها الاوراد الوارده في تسهيل الولاده ٣ مرات . (لو اضطررت للذهاب للمستشفى قبل عملها اجعلي الاوراد مطبوعه عندك في حقيبتك ليقرأها لك من يرافقك ، سواء في ماء او مباشره ينفث عليك .. او انتي بنفسك تقرأينها)
.... علبه مويه صحه فيها مره مذابه .. مفيده للشمم.
- تأكدي من تصوير جميع الاوراق الرسميه التي قد تحتاجونها ووضع نسخه في حقيبه اليد ونسخه في حقيبه المستشفى وخاصه ملف متابعه الحمل ان كنتي ستلدين في مستشفى غير الذي تتابعين فيه ..
لانك وقت الخروج من المنزل ربما تنسين الاوراق ..
- في جوالك جهزي قائمه بالاشخاص الذين ترغبين في اخبارهم برساله قصيره حال ولادتك ..
اكتبي الرساله واضيفي الاسماء ثم احفظيها في المسودات .. لانك بعد الولاده ستنشغلين بالتعب والزيارات والمولود وربما يسقط العديد من احبابك سهواً ، ولو كان لك اخت او صديقه قريبه ممكن ان تفعل ذلك فسيكون اسهل لك ان تجهزي لها الاسماء وهي تتولى امر الرسائل .
ثانياً :
اغراض الطفل :
بربتوز داخلي
بجامه خارجه
غطاء للرأس
جورب يد وجورب قدم
مفرش لف
يكفي هذا الغيار يرتديه وقت الخروج من المستشفى.. لانه غالباً داخل المستشفى يلبسون الطفل من ملابسهم ..
ولو غيرتي للطفل ستضيع ملابسك مع ملابسهم ولن ترجع لك -من تجربه كثير اعرفهم- لذا لاتحرصي على التغيير للطفل واتركيه اوقات الزياره في الحضانه افضل .. ومن ارادت ان تراه يمكن ان تذهب للحضانه .. لكن وجوده في الغرفه سيتعبك وسيحمله كل من يأتي لو مجامله . . والطفل حساااس في هذا العمر .. واي طريقه لحمله بالخطأ تئثر عليه لاقدر الله ..
------
اغراض الأم : (للاقامه يومين)
2 سنتيانه رضاعه. ... مجموعه كلوتات
فوط صحيه
قميص للنوم وآخر للاستقبال
فرشاة اسنان ومعجون
كريم مرطب
فوطه للوجه
استشوار
ماسكار ومرطب شفايف وكريم bb. ..لك الحريه
شبشب او حذاء سهل اللبس والخلع
جوارب لانك قد تشعري بالبرد بعد الولاده
مناديل ورقيه واخرى مبلله
مقص اظافر واخر عادي للحاجه
طبعاً بالاضافه الى المفرش الاساسي للاستقبال
شاحن لجهازك الجوال
معقم الايدي
لو كان عندك مشغل صوتيات او مسجل صغير وضعي فيه تلاوات ترتاحين لها
كميرا رقميه لو كان عندك او كميرا الجوال ..
عطر بارد لو اردتي تعطير الغرفه .. (عطري الغرفه اول ماتدخلينها حتى لاتستنكرين العطر على الزوار)
ان شاء الله افدتكم ،،